Laureano Santiso Girón
Laureano Santiso Girón, nado en Santiago de Compostela en 1899 e finado en Madrid o 7 de setembro de 1981,[1] foi un avogado, xornalista e político galego.
  | |
| Biografía | |
|---|---|
| Nacemento | 1899 Santiago de Compostela, España |
| Morte | 7 de setembro de 1981 (81/82 anos) Madrid, España |
| Datos persoais | |
| País de nacionalidade | España |
| Actividade | |
| Ocupación | avogado , xornalista , político |
| Lingua | Lingua castelá |
Traxectoria editar
Fixo o bacharelato no Instituto de Santiago de Compostela, que rematou en 1922.[2] Traballou como avogado. Masón membro da loxa Libredón. Membro do Partido Radical Socialista, participou no pacto de Lestrobe. Na República foi concelleiro de Compostela, designado deputado provincial polo distrito de Santiago-Padrón e foi correspondente de El Pueblo Gallego en Santiago de Compostela. Foi nomeado gobernador civil de Salamanca por Portela Valladares o 21 de decembro de 1935, permanecendo no cargo ata o 22 de febreiro de 1936. Nas eleccións de febreiro de 1936 presentouse na candidatura portelista da Coruña pero non foi elixido. Representou ao Partido Republicano de Centro no Comité Central da Autonomía. Co golpe de Estado do 18 de xullo de 1936 estivo agochado, pero foi localizado pola policía nunha casa da Uceira, na parroquia do Eixo, o 17 de setembro de 1937,[3] e foi detido e xulgado en Vigo co resultado de sobresemento provisional. En 1943 foi detido e encarcerado na prisión de Burgos. Volveu exercer a avogacía en Compostela a partir de 1949.
Vida persoal editar
Casou con Consuelo Martínez Lamas, coa que tivo unha filla, Matilde.
Notas editar
- ↑ Necrolóxica en La Voz de Galicia, 15-9-1981, p. 60.
- ↑ El Compostelano, 16-6-1922, p. 1.
- ↑ El Eco de Santiago, 18-9-1937, p. 3.
Véxase tamén editar
Bibliografía editar
- García Domínguez, Raimundo (2002). Universidade, ed. O novelo dos anacos e outros exemplos (2000-2001). Santiago de Compostela. pp. 127–130. ISBN 84-9750-123-3. Consultado o 29 de xuño de 2013.
- Lamela García, Luis (2005). Do Castro, ed. 1936, la Cruzada en Compostela. La guerra civil y la represión franquista en los documentos policiales y militares. Sada. ISBN 84-8485-186-9.
- Serrallonga i Urquidi, Joan (2007). "El aparato provincial durante la Segunda República. Los gobernadores civiles, 1931-1939" (PDF). Hispania Nova (7). Consultado o 1 de setembro de 2012.
Ligazóns externas editar
- Ficha en galegos.info
- Laureano Santiso Girón na páxina web Nomes e Voces.