Laodamía, filla de Acasto
Segundo a mitoloxía grega, Laodamia (Λαοδάμεια, Laodámeia) foi filla de Acasto e de Astidamía.
Casou co heroe tesalio Protesilao, ó que amaba apaixoadamente, pero este embarcouse axiña na frota aquea comandada por Agamenón contra Troia.
"Deixara en Fílice á súa esposa coas meixelas rabuñadas polo luto e unha morada aínda sen rematar"Ilíada II, 700
A profecía aseguraba que o primeiro guerreiro que desembarcara en Troia sería tamén o primeiro en morrer, como así foi. Cando ela soubo que o seu marido morrera na guerra de Troia, suplicou ós deuses que o fixeran volver do Hades. Zeus accedeu e deixouno volver, pero só durante tres horas. E ó pasar este breve tempo, cando Protesilao tiña que desaparecer para regresar ó Hades, ela suicidouse nos seus brazos para seguilo ó outro mundo.
Parece ser que o matrimonio non se celebrara de forma completa pois non se fixeron os sacrificios rituais, e dise que a súa morte foi como castigo divino por ese sacrilexio.
Pero tamén se conta que Laodamía mandou facer unha estatua de cera (ou de bronce ou de ouro[1]), imitante do seu home, e, simulando que o rendía culto, deitábase no leito conxugal abrazada a ela. Un criado que a viu abrazando e bicando a estatua, pensou que se trataba dun amante e foi dicilo ó pai, Acasto. Este entrou na alcoba e descubriu a estatua polo que, espantado por tal obsesión, botou a estatua ó lume pero ela, por amor ó seu home, lanzouse á fogueira coa estatua e morreu abrasada[2].
Leodamía na literatura editar
Existiu unha traxedia de Eurípides, que non se conserva, na que se narra o episodio de Protesilao e Leodamía.
Notas editar
Véxase tamén editar
Bibliografía editar
- Grimal, Pierre (1981, 1ª ed; 2017, 7ª reimpr.). Diccionario de mitología griega y romana. Paidós. ISBN 9788449324574. (en castelán)
- Hixino (2009). Fábulas mitológicas. Alianza Editorial. ISBN 9788420650722. (en castelán)
- Homero (trad. Óscar Martínez García) (2010, 1ª ed; 2013, 3ª reimpr.). Ilíada. Alianza Editorial. ISBN 9788420678344. (en castelán)