La Grossa de Cap d'Any

La Grossa de Cap d'Any (O Gordo de Fin de Ano en galego) é un sorteo que forma parte das modalidades comercializadas por Loteria de Catalunya dende 2013 e que se planea celebrar anualmente cada 31 de decembro.

La Grossa de 2013.

Hai 100.000 números dispoñibles (do 00.000 ao 99.999). Cada número dispuxo, inicialmente, de 30 boletos. Ante a gran demanda obtida, comercializáronse outros 30 boletos por número, co que en total existen 60 boletos por número. Cada boleto ten un prezo de 5 euros e pódese comprar nos 2.200 puntos de venda habituais de Loteria de Catalunya (estancos, quioscos e papelarías) así como nuns 20.000 comercios da Confederación de Comercio de Cataluña. Un 69,6% do recadado destínase a premios, en tanto que entre un 16% e un 20% dos ingresos destínanse a programas de atención á infancia.

O propósito declarado da creación do sorteo foi a necesidade de aumentar os ingresos para diminuír o déficit da administración autónoma catalá, conseguindo parte dos 350 millóns de euros que os cataláns xogan nos sorteos estatais de Nadal e do Neno (fronte aos apenas corenta que Loteria de Catalunya recada en todo o ano). Deste modo, Cataluña converteuse na primeira comunidade autónoma española que ten a súa propia lotaría de Nadal.

Segundo a Generalitat, se o sorteo ten éxito, formúlase estendelo a outras datas significativas en Cataluña como a Diada (11 de setembro), Sant Jordi (23 de abril) e San Xoán (24 de xuño).

Números premiadosEditar

Ano Primeiro premio Segundo premio Terceiro premio
Número Vendido en Número Vendido en Número Vendido en
2014[1] 91614 Non vendido 92484 Sant Vicenç dels Horts 35494 Vendido por internet
2013[2] 03473 Lliçà d'Amunt 77879 L'Escala e Tarragona 88297 Barcelona e Cardona

NotasEditar

Véxase taménEditar

Ligazóns externasEditar