LU-539
A estrada LU-539, tamén coñecida popularmente como variante de Viveiro, é unha estrada comarcal administrada pola Xunta de Galicia que discorre integramente no municipio de Viveiro, na provincia de Lugo.
LU-539 | |
---|---|
Vista de conxunto da LU-539 desde San Roque | |
Tipoloxía | Estrada convencional |
Rede | Rede de estradas de Galicia |
Lonxitude | 0,99 km |
Localización | |
Inicio | LU-862 Viveiro |
Fin | LU-540 Viveiro |
Características editar
Esta estrada discorre de norte a sur, unindo a estrada LU-862 á altura da Capela da Misericordia coa estrada LU-540, preto da estación ferroviaria de Feve Viveiro, cun percorrido total de 990 metros.
O seu trazado é paralelo á liña de ferrocarril Ferrol-Xixón, evitando así que os vehículos pasen polo centro urbano. A pesar de que se deseñou como unha estrada variante de poboación, menos dunha década despois de inaugurarse quedou obsoleta polo tráfico diario que soporta, planificándose que o seu labor de variante pase a ser desenvolvido pola Vía de Alta Capacidade da Costa Norte.