Kuvempu

Kuvempu
	;
Nome orixinal	(kn) ಕುವೆಂಪು
Biografía
Nacemento	29 de decembro de 1904 ; Hirekodige, India (en)
Morte	11 de novembro de 1994 (89 anos); Mysore, India
Datos persoais
País de nacionalidade	India (1950–); Dominio da India (1947–1950); Raj Británico (–1947)
Educación	University of Mysore (en) ; Maharaja's College, Mysore (en) ; Hardwick High School and College (en)
Actividade
Ocupación	escritor , poeta , catedrático
Pseudónimo literario	ಕುವೆಂಪು
Lingua	Lingua kanaresa
Obra
	Obras destacables Sri Ramayana Darshanam (en) ;
Familia
Fillos	Poornachandra Tejaswi (en)
	Premios (1988) Padma Vibhushan in literature & education (en) ; (1967) Jnanpith Award (en) ; (1958) Premio Padma Bhushan; (1955) Sahitya Akademi Award in Kannada (en) , premiado polo traballo Sri Ramayana Darshanam (en) ;
Páxina web	kuvempu.com

Kuppali Venkatappa Puttappa, nado en Hirekodige o 29 de decembro de 1904 e finado en Mysore o 11 de novembro^[1] de 1994, máis coñecido polo seu sobrenome literario Kuvempu (en kanarés: ಕುವೆಂಪು) ou por K. V. Puttappa, foi un escritor, crítico literario e pensador kanarés. Considerado o meirande poeta kanarés do século XX. Foi o primeiro escritor kanarés en recibir o premio Jnanpith.^[2]

O goberno de Karnataka concedeulle o título honorífico de Rashtrakavi ("poeta nacional") en 1958 e o de Karnataka Ratna ("xema de Karnataka") en 1992. A súa narrativa épica Sri Ramayana Darshanam, unha interpretación moderna da épica hinduísta india Ramayana, está considerado como o rexurdimento do xénero Mahakavya nunmha forma contemporánea. A letra do himno oficial de Karnataka Jaya Bharata Jananiya Tanujate é un dos seus poemas.

Traxectoria

A casa de Kuvempu, "Udayaravi", en Mysore

Primeiros anos

Kuvempu naceu no distrito de Chikmagalur na casta vokkaliga, seu pai chamábase Venkatappa Gowda e súa nai Seethamma. De rapaz viviu coa súa familia no distrito de Shivamogga. Ao primeiro recibiu educación na súa casa cun profesor particular e logo foi continuou estudos en Tirthahalli mais en Mysore. En 1929 graduouse en kanarés na Universidade de Mysore. Casou o 30 de abril de 1937 e tivo dous fillos, K P Poornachandra Tejaswi, tamén escritor, e Kokilodaya Chaitra, e dúas fillas, Indukala e Tharini.

Carreira

Logo de se graduar foi lector de kanarés na Universidade de Mysore en 1929 e profesor asociado na Universidade de Bangalore desde 1936. Volveu a Mysore como profesor en 1946. Foi vicechanceler ^[3] da Universidade de Myrose desde 1956 ata a súa xubilación en 1960.

Obra

Poema de Kuvempu

Kuvempu comezou a escribir en inglés, publicando tan só unha colección de poesía co título de Beginner's Muse mais logo cambiou para a súa lingua materna, o kanarés, encabezando o movemento para facer desa lingua o medio de ensino baixo o lema "educación na lingua materna". Fundou o instituto de estudos kanareses da Universidade de Mysore co nome de Kannada Adhyayana Samsthe.

Na súa obra foi contra o sistema de castas e o ritual relixioso sen sentido. A súa versión do Ramayana publicada en dous volumes en 1949 e 1957, Sri Ramayana Darshanam, é unha recreación total, dos personaxes e das ideas filosóficas, morais e espirituais da obra orixinal, mantendo a natureza simbólica orixinal. É un dos representantes máis coñecidos da xeración Navodaya, que renovou a poesía kanaresa ^[4]. Tamén un recoñecido dramaturgo, unha das súas obras máis populares é Raktaakshi, publicada orixinalmente en 1932, é unha recreación cultural do Hamlet de Shakespeare.^[5]

Épica

Sri Ramayana Darshanam - Volume-1 (1949), Volume-2 (1957)
Chitrangada

Poesía

Kolalu (1930)
Paanchajanya (1936)
Navilu (1937)
Kindarijogi Mattu Itara Kavanagalu (1938)
Kogile Mattu Soviet Russia (1944)
Shoodra Tapaswi (1946)
Kinkini (1946)
Agnihamsa (1946)
Prema Kashmira (1946)
Chandramanchake Baa Chakori (1954)
Ikshugangotri (1957)

Novela

Kaanuru Heggadati (1936)
Malegalalli madumagalu (1967)

Teatro

Birugaali (1930)
Maharatri (1931)
Smashana Kurushethram Mattu Maharatri (1931)
Jalagaara (1931)
Raktaakshi (1932)
Shoodra Tapaswi (1944)
Beralge koral (1947)

Autobiografía

Nenapina Doniyali (vol 1-2, 1980)

Relatos

Sanyaasi Mattu Itare Kategalu (1937)
Nanna Devaru Mattu Itara Kategalu (1940)

Ensaio

Malenaadina Chitragalu (1933)

Crítica literaria

Atmashreegagi Nirankushamatigalagi (1944)
Kavyavihara (1946)
Taponandana (1951)
Vibhuthi Pooje (1953)
Draupadiya Shrimudi (1960)
Vicharakrantige Ahvana (1976)

Biografía

Swami Vivekananda(1932)
Sri Ramakrishna Paramahamsa (1934)

Relatos e poemas infantís

Bommanahalliya kindarijogi(1936)
Mari vijnani(1947)
Meghapura (1947)
Nanna mane (1947)
Nanna gopala
Amalana kathe
Sahasa pavana
Modannana Tamma
Narigaligeke Kodilla
Haluru

Notas

↑ "The Gentle Radiance of a Luminous Lamp". Ramakrishna Math. Arquivado dende o orixinal o 22 de agosto de 2006. Consultado o 31 de outubro de 2006.
↑ Jnanpith Laureates Arquivado 14 de xullo de 2016 en Wayback Machine. jnanpith.net
↑ Na India equivale a un vicerreitor pero coas atribucións dun reitor
↑ Nicolae Sfetcu (2014) Poetry Kaleidoscope
↑ Basavaraj Naikar (2005) Literary Vision Sarup & Sons, 2005pp. 367-381

Véxase tamén

[1] "The Gentle Radiance of a Luminous Lamp". Ramakrishna Math. Arquivado dende o orixinal o 22 de agosto de 2006. Consultado o 31 de outubro de 2006.

[2] Jnanpith Laureates Arquivado 14 de xullo de 2016 en Wayback Machine. jnanpith.net

[3] Na India equivale a un vicerreitor pero coas atribucións dun reitor

[4] Nicolae Sfetcu (2014) Poetry Kaleidoscope

[5] Basavaraj Naikar (2005) Literary Vision Sarup & Sons, 2005pp. 367-381

[1]

[2]

[3]

[4]

[5]