Abrir o menú principal
Wikipedia

William Shakespeare

poeta e dramaturgo inglés, considerado desde hai tempo por moitos como o meirande escritor en lingua inglesa
(Redirixido desde "Shakespeare")

William Shakesperare, nado en Stratford-upon-Avon, bautizado o 26 de abril de 1564, e finado o 23 de abril[1] de 1616, foi un poeta e dramaturgo inglés, considerado desde hai tempo por moitos como o meirande escritor en lingua inglesa e un dos máis célebres da literatura universal. A súa obra é tal que moitas das súas personaxes aínda son obxecto de cuantiosos estudos. Unha das características máis salientables da mesma é a profunda e complexa definición psicolóxica das súas personaxes.

William Shakespeare
Shakespeare.jpg
Nacemento23 de abril de 1564 e abril de 1564
 Stratford-upon-Avon
Falecemento23 de abril de 1616
 Stratford-upon-Avon
CausaFebre
SoterradoHoly Trinity Church
NacionalidadeReino de Inglaterra
EtniaPobo inglés
Alma máterKing Edward VI School, Stratford-upon-Avon
Ocupacióndramaturgo, poeta, actor de teatro, escritor, actor e Dramaturgo
PaiJohn Shakespeare
NaiMary Shakespeare
CónxuxeAnne Hathaway (1582)
FillosSusanna, Hamnet, Judith
IrmánsJoan Shakespeare, Edmund Shakespeare e Gilbert Shakespeare
PeríodoRenacentista inglés
XénerosTraxedia, comedia, histórica, fantasía, xuízos críticos
Coñecido/a porHamlet, Romeo e Xulieta, Ao voso gusto, Macbeth, Soño dunha noite de San Xoán, Sonetos de Shakespeare, The Taming of the Shrew, The Two Gentlemen of Verona, King John, Richard II, Henry IV, Part 1, Henry IV, Part 2, Henrique V, Henry VI, Part 1, Henry VI, Part 2, Henry VI, Part 3, Richard III, Henry VIII, Love's Labour's Lost, O mercader de Venecia, Muito Barulho por Nada, The Merry Wives of Windsor, Noite de reis, All's Well That Ends Well, Medida por medida, Titus Andronicus, Julius Caesar, Otelo, O rei Lear, Antony and Cleopatra, Coriolanus, Timon of Athens, Troilo e Créssida, Cymbeline, The Winter's Tale, Pericles, Prince of Tyre, A tempestade, Os Dois Nobres Parentes e The Comedy of Errors
William Shakespeare Signature.svg
[ editar datos en Wikidata ]

TraxectoriaEditar

Primeiros anosEditar

William Shakespeare[2] era fillo de John Shakespeare, un fabricante de luvas e concelleiro de Snitterfield e de Mary Arden, de familia fidalga. Descoñécese a data exacta do seu nacemento, pero suponse que foi tres días antes do bautismo, entre outras razóns para permitir a simetría coa data da súa morte (que, no calendario gregoriano sería o 3 de maio), día tamén de San Xurxo, patrón de Inglaterra.

Shakespeare posibelmente estudou na Grammar School King Edward VI de Stratford, que destacaba polo ensino do latín e a literatura. Trátase tamén dunha suposición baseada no posto que desempeñaba o seu pai no concello, que lle daba dereito de matrícula nela. O 28 de novembro de 1582, aos dezaoito anos, casou con Anne Hathaway, que tiña vinte e seis e estaba embarazada de tres meses.

Non se sabe máis de Shakespeare nos anos seguintes, a excepción dos nacementos de Susanna (1583) e Hamnet e Judith (1585).

Londres e a súa carreira no teatroEditar

 
Casa natal de Shakespeare en Stratford-upon-Avon

Para 1592, Shakespeare xa se establecera como dramaturgo en Londres e xa gozaba dunha reputación que motivou a Robert Greene a mofarse del. A finais de 1594 actuaba, escribía e era co-propietario dunha compañía, os Homes do Lord Chamberlain, que recibía o nome do seu mecenas. Desfrutaban de tanto crédito que, após a morte de Isabel I de Inglaterra, o novo monarca, Xaime I de Inglaterra (1603) adoptou a compañía, que pasou a denominarse Os Homes do Rei.

En 1596 Shakespeare vivía na parroquia de St. Helen's, en Bishopsgate e dous anos máis tarde encabezaba unha lista de actores en Cada home no seu humor, de Ben Johnson. Tamén en 1598 o seu nome comezou a aparecer no frontispicio das súas obras, posibelmente para atraer compradores.

Existe a tradición de que Shakespeare, ademais de redixir moitas das obras que representaba a súa compañía e de ter que dedicar parte do seu tempo a xestionar a compañía da que era co-propietario, continuaba a representar papeis nas obras, como o fantasma do pai de Hamlet, Adam en Como goste e como coro en Henrique V.

Parece ser que en 1599 se trasladou para o sur do río Támese, a Southwark. En 1604 trasladouse de novo para a ribeira norte, preto da catedral de San Paulo, onde residía cunha familia hugonote, os Montjoy. Durante esta estancia axudou no casamento da filla destes co seu aprendiz Stephen Bellott. Máis tarde Bellott denunciou ao seu sogro por non ter aportado o dote prometido e Shakespeare tivo que declarar como testemuña.

Consérvanse diversos documentos legais e mercantís que mostran que Shakespeare se foi enriquecendo durante a súa estadía en Londres até permitirse adquirir unha propiedade en Blackfriars e a segunda casa máis grande de Strattford.

Últimos anosEditar

As dúas derradeiras obras escribiunas en 1613 e parece que logo se retirou a Stratford. Morreu á idade de 52 anos, aínda casado con Anne. Sobrevivíronlle as súas dúas fillas. Susanna casou, mais hoxe en día non hai descendentes de Shakespeare.

Está soterrado na chancelería da Igrexa da Santísima Trindade en Stratford-upon-Avon, honra que non se debeu á súa fama como dramaturgo senón por ter adquirido ese dereito por 440 libras (unha cantidade considerábel na época). Un monumento, erguido pola súa familia no muro máis próximo da súa tumba, móstrao no acto de escribir. Cada ano, na data do seu nacemento, colócaselle unha pluma nova na man.

 
Tumba de Shakespeare en Stratford-upon-Avon

Como anécdota, Shakespeare foi coetáneo de Cervantes, e ambos finaron na mesma data (se ben, non no mesmo día, posto que entón rexía un calendario diferente en Inglaterra e en España).

ObraEditar

As súas obras[3] foron escritas entre 1588 e 1616, mais é bastante difícil establecer datas aproximadas.

CronoloxíaEditar

NotasEditar

  1. ↑ Data correspondente ao calendario xuliano vixente entón en Inglaterra, equivale ao 3 de maio do calendario gregoriano
  2. ↑ Sobre o nome de Shakespeare véxase Fausto Cercignani, Shakespeare's Works and Elizabethan Pronunciation, Oxford: Clarendon Press. ISBN 978-0198119371, p. 1 e David Kathman, http://shakespeareauthorship.com/name1.html
  3. ↑ "William Shakespeare". Biblioteca de tradución galega. 

Véxase taménEditar

BibliografíaEditar

Traído desde "https://gl.wikipedia.org/w/index.php?title=William_Shakespeare&oldid=5177644"