Kosmos 212
Kosmos 212 ou Cosmos 212 foi unha misión espacial soviética lanzada sen tripulación o 14 de abril de 1968 mediante un foguete Soiuz 11A511 desde o cosmódromo de Baikonur.[2][3][4][5]
| Kosmos 212 | |
|---|---|
| Tipo | Demostrador tecnolóxico |
| Data de lanzamento | 14 de abril de 1968[1][2][3] |
| Foguete portador | Soiuz 11A511[2][4] |
| Sitio de lanzamento | Cosmódromo de Baikonur[2] |
| Obxectivo da misión | Probas en órbita.[2][5] |
| Regreso | 19 de abril de 1968[1] |
| NSSDC ID | 1968-029A |
Características editar
Kosmos 212 foi unha Soiuz modelo 7K-OK de tipo pasivo lanzada a órbita sen tripulación para facer diferentes probas en órbita xunto con Kosmos 213 (unha Soiuz 7K-OK de tipo activo). Despois da traxedia da Soiuz 1 a Unión Soviética retomou as probas non tripuladas das naves Soiuz. Despois da proba non tripulada da parella Kosmos 186-Kosmos 188 lanzáronse as Kosmos 212 e 213. A primeira en engalar foi Kosmos 212, seguida un día máis tarde por Kosmos 213. Tras so 47 minutos despois da engalaxe da última, as dúas naves acopláronse con éxito automaticamente e sen problemas, froito das leccións aprendidas das anteriores misións, cheas de incidentes, incluíndo a morte de Vladimir Komarov na Soiuz 1.[2][3][4][5]
A Kosmos 212 regresou a terra de maneira controlada o 19 de abril usando o sistema de de control de aterraxe por primeira vez con éxito, que permite á cápsula Soiuz certo grao de planeo, reducindo a forza G na reentrada atmosférica e mellora a precisión na aterraxe. A cápsula tomou terra a 20 km ao suroeste da cidade de Maikolna, aínda que foi arrastrada durante cinco quilómetros polos fortes ventos da zona debido a que neste voo o sistema de desacoplamento do paracaídas unha vez en terra estaba desactivado.[2][3][4][5]
Notas editar
- ↑ 1,0 1,1 N2YO (2021). Real Time Satellite Tracking, ed. "COSMOS 212" (en inglés). Consultado o 22 de febreiro de 2024.
- ↑ 2,0 2,1 2,2 2,3 2,4 2,5 2,6 NASA (28 de outubro de 2022). "Cosmos 212" (en inglés). Consultado o 22 de febreiro de 2024.
- ↑ 3,0 3,1 3,2 3,3 "Letter dated 8 May 1968 from the Permanent Representative of the Union of Soviet Socialist Republics addressed to the Chairman of the Committee on the Peaceful Uses of Outer Space" (PDF) (68-12694 (E)). 3 de xuño de 1968: 2. Consultado o 22 de febreiro de 2024.
- ↑ 4,0 4,1 4,2 4,3 Gunter Dirk Krebs (2024). Gunter's Space Page, ed. "Soyuz 2, 5 (7K-OK, passive)" (en inglés). Consultado o 22 de febreiro de 2024.
- ↑ 5,0 5,1 5,2 5,3 Anatoly Zak (28 de xaneiro de 2024). "The Soyuz pair makes flawless automated docking" (en inglés). Consultado o 22 de febreiro de 2024.