Kiril Kurtev
Kiril Kurtev[1] (en búlgaro: Кирил Куртев), nado o 18 de xuño de 1891 en Dripchevo (Rumelia oriental, hoxe Bulgaria) e finado o 9 de marzo de 1971 en Kuklen (provincia de Plovdiv, R.P. de Bulgaria) foi un eclesiástico greco-católico búlgaro.
| Biografía | |
|---|---|
| Nacemento | 18 de xullo de 1891  Dripchevo, Bulgaria (en)  |
| Morte | 9 de marzo de 1971 (79 anos) Kuklen, Bulgaria (pt) |
| Bispo titular | |
| 31 de xullo de 1926 – Diocese: Briula (en) | |
| Datos persoais | |
| País de nacionalidade | Bulgaria |
| Relixión | Igrexa católica e Igrexa católica bizantina búlgara |
| Actividade | |
| Ocupación | bispo católico (1926–), sacerdote católico (1914–), diácono (1913–) |
| Lingua | Lingua búlgara |
| Consagración | Athanase Khoriaty (en) |
Traxectoria editar
Kiril Kurtev naceu nunha familia ortodoxa na vila de Dripchevo, entón parte de Rumelia oriental, baixo soberanía otomá. En 1901 comezou os seus estudos no mosteiro de Mustrakli, e posteriormente continuounos no colexio dos pais asuncionistas de İpsala até 1908. Posteriormente estudou no seminario de San León en Constantinopla, e o 8 de setembro de 1913 foi ordenado diácono polo arcebispo Mihail Mirov. O 1 de xuño de 1914 foi ordenado sacerdote polo bispo Mihail Petkov. Na primavera de 1924 foi nomeado axudante do administrador dos greco-católicos en Bulgaria, Yosafat Kozarov, e o 25 de xullo de 1926 foi nomeado polo papa Pío XII exarca apostólico de Sofía. Recibiu a consagración episcopal de mans do bispo de Sidón Azanasius Khuriati na basílica de San Clemente de Roma o 5 de decembro do mesmo ano. O 30 de maio de 1941 renunciou ao cargo, e foi sucedido por Ivan Garufalov, mais a morte deste en 1951 obrigoulle a retomar a súa tarefa: nese momento, ao ser o único bispo católico na República Popular de Bulgaria, polo que tamén tivo que atender aos católicos latinos das dioceses de Nikopol e Sofía e Podliv. En 1960 participou no Concilio Vaticano Segundo. Sufriu un infarto celebrando a liturxia en Kuklen o 7 de marzo de 1971, e finou dous días despois.
Notas editar
- ↑ Tamén Kyril Kurteff
| Dignidades da Igrexa católica | ||
|---|---|---|
| Predecesor: Yosafat Kozarov |
Exarca apostólico de Sofía 1926 - 1941 |
Sucesor: Ivan Garufalov |
| Predecesor: Ivan Garufalov |
Exarca apostólico de Sofía 1951 - 1971 |
Sucesor: Metodiy Stratiev |