Ken Andrews

Ken Andrews, nado como Kenneth Andrew Doty o 18 de xuño de 1967, é un músico, cantante, compositor e produtor estadounidense. Andrews naceu en Seattle, Washington, e estudou nunha escola de cine nos Ánxeles antes de que a súa banda Failure asinase un contrato co selo Slash Records.

Ken Andrews

Biografía
Nacemento	18 de xuño de 1967 (56 anos) Seattle, Estados Unidos de América
Datos persoais
País de nacionalidade	Estados Unidos de América
Actividade
Ocupación	cantante , compositor , produtor musical , enxeñeiro de son , guitarrista
Período de actividade	1990 -
Xénero artístico	Rock alternativo
Lingua	Lingua inglesa
Instrumento	Guitarra e voz
Selo discográfico	Slash Records
Páxina web	kenandrews.com

Carreira

Andrews é coñecido sobre todo por ser cofundador, principal vocalista, guitarrista, baixista e co-compositor da banda de rock alternativo Failure. Tamén tocou en Replicants, unha banda de versións onde tamén tocaban membros de Tool. Tras a separación de Failure en 1997 gravou música baixo o nome de ON, e posteriormente montou e liderou a banda Year of the Rabbit. Andrews tocou en solitario, ademais de colaborar nunha "banda dixital" chamada Digital Noise Academy con Justin Meldal-Johnsen, Sharky Laguana (Creeper Lagoon), Jordon Zadorozny e Charlotte Martin (coa que Andrews casou en 2005), entre outros. En 2014 Andrews reuniuse cos membros de Failure Greg Edwards e Kellii Scott. Xuntos iniciaron unha xira por Norteamérica, que incluíu dúas datas con A Perfect Circle e Puscifer para celebrar o 50 aniversario de Maynard James Keenan.

Ademais do seu traballo como músico, Andrews tamén produciu e mesturou material de moitos artistas, como Nine Inch Nails, Beck, Lostprophets, Pete Yorn, A Perfect Circle, Tenacious D, Black Rebel Motorcycle Club, Candlebox ou Mae, entre outros. Tamén destaca a súa participación na produción de "You Know My Name", o tema para a película do 2006 de James Bond Casino Royale, interpretada polo líder de Soundgarden Chris Cornell.