José Raimundo Núñez
José Raimundo Núñez-Varela Lendoiro, nado en Betanzos o 16 de xullo de 1946, é un historiador e investigador galego, cronista oficial dos concellos de Betanzos, Miño e Paderne.
| Biografía | |
|---|---|
| Nacemento | 16 de xullo de 1946  (77 anos)Betanzos, España |
| Datos persoais | |
| País de nacionalidade | España |
| Actividade | |
| Ocupación | cronista |
| Lingua | Lingua castelá |
Traxectoria editar
Nado nunha familia de empresarios betanceiros, diplomouse na Escola de Comercio da Coruña. Ingresou por oposición en Caixa Galicia en 1968, mais nunca esqueceu a súa vocación historiadora.
Xa durante o réxime franquista colaborou no desenvolvemento cultural da súa cidade natal, tanto na súa etapa como delegado da xuventude (recuperando as antigas danzas gremiais) coma posteriormente dende o seu cargo de concelleiro de cultura do consistorio betanceiro. A súa loita pola recuperación do parque do Pasatempo, e o seu empeño por fundar un museo na localidade, levaron ó Concello a nomealo como cronista oficial da cidade en 1982, cargo honorífico que recibiu o 25 de febreiro de 1983, coincidindo coa inauguración do Museo das Mariñas, por el fundado.[1] Posteriormente, en 1993 e 1995 foi nomeado cronista oficial dos concellos de Miño e Paderne, respectivamente.
Do seu labor como cronista, destacan a súa loita pola conservación do patrimonio histórico da bisbarra betanceira e pola recuperación do Camiño Inglés de Santiago. Ideólogo da Feira Franca Medieval de Betanzos, é tamén patrón da Fundación Centro Internacional de la Estampa Contemporánea de Betanzos, e vocal da Asociación Española de Cronistas Oficiales.
| Predecesor: Francisco Vales Villamarín |
Cronista Oficial de Betanzos 1982 - actualidade |
Sucesor: No cargo |
Obras editar
Ademais de decenas de traballos de investigación histórica, Núñez ten publicados os seguintes libros, todos en castelán:
- Betanzos de los Caballeros y sus Mariñas (1984, Ed. Everest).
- Historia Documentada de Betanzos de los Caballeros, siglos XV - XVI (1984, Fundación Caixa Galicia).
- El Antroido en las Mariñas dos Condes (1985, Concello de Betanzos).
- Miño, apuntes históricos y guía del municipio (1990, Fundación Caixa Galicia).
- La peste de 1598 en Betanzos de los Caballeros (1998, Concello de Betanzos).
- La ocupación de Betanzos y su tierra por los franceses en 1809 (2013, Concello de Betanzos)
Notas editar
- ↑ Núñez-Varela Lendoiro, José Raimundo (25 de agosto de 2019). "Toma de posesión como Cronista Oficial de Betanzos". Cronista Oficial de Betanzos.