José Manuel Domínguez Canosa
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Jose Manuel Domínguez Canosa, nado en Corcubión o 21 de setembro de 1942, é un exfutbolista, adestrador, profesor e xornalista deportivo galego.
Biografía | |
---|---|
Nacemento | 21 de setembro de 1942 (81 anos) Corcubión, España |
Datos persoais | |
País de nacionalidade | España |
Actividade | |
Ocupación | futbolista , profesor de educación física , adestrador , xornalista deportivo |
Familia | |
Fillos | María José Domínguez Vázquez |
Traxectoria
editarComezou a súa andaina futbolística nos clubs de fútbol Unión Deportiva Corcubión e Unión Club Cee, xogando como dianteiro, e no Bergantiños Fútbol Club e na Selección de fútbol de Galicia na categoría Xuvenil, aquí xogando de interior. Aos 17 anos fichou polo Club Deportivo Lugo, naquela época na segunda división. Tralo seu paso polo Club Deportivo Lemos regresou ao Club Deportivo Lugo. Na tempada 1963-1964 fichou polo Club de Fútbol Calvo Sotelo de As Pontes de García Rodríguez, cando este club ascendeu á terceira división. Tras varios anos no Club de Fútbol Calvo Sotelo, no 1969/1970 pasa a ser adestrador do equipo, compatibilizando este cargo coas funcións de xogador até a tempada 1971/1972.
O 1 de outubro de 1969 obtén o título de Adestrador Rexional da Real Federación Española de Fútbol.
A partir desta data cambia a súa traxectoria deportiva e pasa a exercer de adestrador, comezando na tempada 1973/74 no Racing Club Vilalbés.
Como adestrador do Club Deportivo As Pontes acadou o ascenso á segunda rexional na tempada 1974/75. Adestrou ao Racing Club Vilalbés novamente na tempada 1975/76, ao Viveiro Club de Fútbol na 1976/77 e ao Racing Club Vilalbés nas tempadas 1978/79 e 1979/1980. No 1980/1981 levou a batuta do Club Deportivo As Pontes.
A súa traxectoria profesional sempre estivo ligada ao mundo do deporte. Domínguez exerceu de profesor de Educación Física no Colexio Endesa de As Pontes de García Rodríguez e durante décadas foi xornalista deportivo para a Radio Televisión de Galicia e para os xornais Marca, La Voz de Galicia e El Corrego Gallego. Segue desenvolvendo esta actividade para diferentes xornais.
Vida persoal
editarEstá casado con María Luisa Vázquez Fuentes e é pai da bióloga Susana Domínguez Vázquez e da filóloga María José Domínguez Vázquez.[Cómpre referencia]
Fontes
editarEntrevista persoal realizada por Susana Domínguez Vázquez.