José Galera Moreno
José Galera Moreno, nado en Sevilla o 2 de agosto de 1901[1] e finado en Zamora en outubro de 1987,[2] foi un mestre e político español.
| Biografía | |
|---|---|
| Nacemento | 2 de agosto de 1901  Sevilla, España |
| Morte | outubro de 1987 (86 anos) Zamora, España |
| Datos persoais | |
| País de nacionalidade | España |
| Actividade | |
| Ocupación | mestre , político |
| Lingua | Lingua castelá |
Traxectoria editar
_02.jpg)
Aprobou as oposicións ao maxisterio en 1926.[3] Foi nomeado mestre de San Román de Vale en 1927,[4] e foi secretario da Asociación do Maxisterio Nacional do Partido de Viveiro.[5] En 1934 aprobou as oposicións a inspector de primeira ensinanza e foi nomeado inspector da zona de Vilalba.[6] Pertenceu a loxa masónica Lucus nº 5. Militante de Izquierda Republicana, foi nomeado concelleiro de Lugo logo do triunfo do Frente Popular en febreiro de 1936. Colaborou en El Progreso e Vida Escolar.
Logo do golpe de Estado do 18 de xullo de 1936 foi destituído e suspendido de emprego e soldo en setembro.[7] Por orde da Junta Técnica del Estado de 27 de marzo de 1937 foi separado do servizo. Foi detido o 26 de outubro de 1937 e saíu en liberdade o 27 de xaneiro do ano seguinte. En 1943 abríronlle expediente por responsabilidades políticas.[8] Trasladouse a Zamora onde montou unha Academia privada. Readmitido no maxisterio, recuperou a praza de inspector e foi indemnizado polo Estado polo tempo que estivo suspendido. José doou o diñeiro para que se realizase unha escultura dedicada á figura do mestre, que se instalou na praza do Maestro de Zamora.[9] Xubilouse en 1971.
Recoñecementos editar
Un CEIP de Zamora leva o seu nome.[10]
Vida persoal editar
Casou en 1935 coa tamén mestra e inspectora Isabel López del Amo.
Notas editar
- ↑ Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 100.
- ↑ El Correo de Zamora, 18-10-1987, p. 4.
- ↑ El Defensor de Córdoba, 22-6-1926, p. 3.
- ↑ BOE, 23-7-1927, p. 485.
- ↑ El Pueblo Gallego, 20-2-1929, p. 2.
- ↑ El Noticiero Gallego, 18-12-1934, p. 2.
- ↑ El Progreso, 18-9-1936, p. 2.
- ↑ BOE, 15-1-1944, p. 233.
- ↑ Ramos Pérez, Herminio (4-4-2008). "La plaza del Maestro". El Correo de Zamora (en castelán). Consultado o 4-4-2022.
- ↑ "CEIP Don José Galera Moreno". Arquivado dende o orixinal o 22 de setembro de 2020. Consultado o 3 de febreiro de 2021.
Véxase tamén editar
Bibliografía editar
- Batanaz Palomares, Luis (2011). La inspección de primera enseñanza durante la Guerra Civil y el primer franquismo (1936-1943). Universidad de Córdoba. p. 118.