José Amor Vázquez
José Amor Vázquez, nado en Ribadeo o 28 de setembro de 1921 e finado en North Providence (Rhode Island) o 5 de febreiro de 2018,[1] foi un hispanista galego.
| Biografía | |
|---|---|
| Nacemento | 28 de setembro de 1921  Ribadeo, España |
| Morte | 5 de febreiro de 2018 (96 anos) North Providence, Estados Unidos de América |
| Datos persoais | |
| País de nacionalidade | España |
| Actividade | |
| Campo de traballo | Literatura Latino-americana (pt)  |
| Ocupación | profesor universitario , hispanista , escritor , especialista en literatura |
| Lingua | Lingua castelá e lingua inglesa |
 | |
Traxectoria editar
Sobriño de Jesús e Juan Vázquez Gayoso. Antes de facer un ano, a familia marchou a Cuba, onde permaneceron ata que José fixo os oito anos. Regresaron a Ribadeo onde viviron cinco anos ata que o seu pai, que era xuíz, foi trasladado á Coruña. José fixo alí os estudos secundarios. Co golpe de Estado do 18 de xullo de 1936 a familia marchou ao exilio. Chegou a Cuba en 1937, e matriculouse na Universidade da Habana doutorándose en Leis, Filosofía e Letras e Ciencias Políticas e Económicas en 1944. En Cuba foi militante antifranquista, pertenceu ao Comité Universitario Pro-República Española e ao Círculo Republicano Español e tivo relación coa Loxa Masónica Washington da Habana. Exerceu como avogado e marchou a Venezuela.
Despois pasou a Estados Unidos onde traballou como profesor de Estudios Hispánicos durante cincuenta anos na Brown University. Foi fundador e director do Centro de Estudios Latinoamericanos, profesor honorario da Asociación Internacional de Valleinclanistas, membro numerario da Academia Norteamericana da Lingua Española e correspondente da Real Academia Española.
Recoñecementos editar
- Gran Encomenda da Orde de Isabel a Católica.
- Medalla de Honra da Biblioteca John Carter Brown.