Johann Christoph Bach (1671–1721)

Johann Christoph Bach, nado o 16 de xuño de 1671 en Erfurt (Turinxia, daquela no Sacro Imperio Romano-Xermánico e actualmente en Alemaña) e finado o 22 de febreiro de 1721 en Ohrdruf, foi un músico e compositor alemán.

Johann Christoph Bach
Johann Christoph Bach.jpg
Nacemento16 de xuño de 1671
 Erfurt Banner of the Holy Roman Emperor without haloes (1400-1806).svgSacro Imperio Romano Xermánico
Falecemento22 de febreiro de 1721
 OhrdrufBanner of the Holy Roman Emperor without haloes (1400-1806).svgSacro Imperio Romano Xermánico
NacionalidadeAlemaña
Instrumento(s)Clavicémbalo Órgano
PaiJohann Ambrosius Bach
NaiMaria Elisabetha Lämmerhirt
Parella/sJohanna Dorothea von der Höfe
FillosJohann Bernhard Bach, Johann Andreas Bach e Tobias Friedrich Bach
IrmánsJohann Sebastian Bach e Johann Jacob Bach
Na rede
Musicbrainz: cc8d07ef-24ec-40d3-9820-659abad380b0 WikiTree: Bach-220 Editar o valor em Wikidata
editar datos en Wikidata ]

TraxectoriaEditar

Fillo máis vello de Johann Ambrosius Bach (de quen recibiu as súas primeiras leccións de música), foi o irmán máis vello do famoso músico e compositor alemán Johann Sebastian Bach. Estodou na Escola de Latín de Eisenach entre 1681 e 1685, marchando posteriormente a Erfurt para estudar con Johann Pachelbel e posteriormente axudou ao seu tío avó Heinrich Bach en Arnstadt entre 1689 e 1690, xa que Heinrich quedara cego. A súa biblioteca para teclado inclúe obras de Pachelbel, Johann Jakob Froberger e Johann Kaspar Kerll. En 1690 converteuse en organista da Michaeliskirche de Ohrdruf, cargo que ostentou o resto da súa vida e o 23 de outubro de 1694 casou con Johanna Dorothea von der Höfe, coa que tivo oito fillos.[1] Á morte de seu pai en 1695, levou a Ohrdruf ao seu irmán Johann Sebastian, encargándose da súa manutención e educación, sendo prováblemente un dos seus profesores de música. Durante os seus últimos anos de vida alternou o seu traballo de organista co de mestre de escola. Morreu en 1721 en Ohrdruf.[1]

FamiliaEditar

Entre os seus fillos salientan os seguintes:

Relación con J.S. BachEditar

Segundo o obituario de J.S. Bach escrito por Mizler, foi baixo a guía de Christoph como J.S. Bach "sentou as bases da súa técnica de teclado". Christoph é así e todo máis comunmente recordado por denegar ao seu irmán pequeno o acceso a un libro coas súas pezas de teclado:

O libro foi gardado nun armario asegurado só por portas de celosía. El [Sebastian] foi polo tanto capaz de alcanzar o a través da rede coas súas pequenas mans e enrollar o libro, que tan só tiña unha cuberta de papel; deste xeito foi capaz de sacalo pola noite, cando todos estaban na cama, e copialo á luz da lúa, xa que non tiña outra luz. Logo de seis meses estaba encantado de ter ese tesouro musical nas súas mans, e gardou o segredo cun celo inusual para beneficiarse del ata que, moi ao seu pesar, seu irmán descubriuno e confiscou a música coa que tivera tomado tantas molestias en copiar.[2]

NotasEditar

  1. 1,0 1,1 Malcolm Boyd: Bach, pp. 7–8, ISBN 0-19-514222-5
  2. Malcolm Boyd: Bach, p. 8 ISBN 0-19-514222-5

Véxase taménEditar

BibliografíaEditar

  • Diccionario Enciclopédico de la Música Música Maestro, Editorial Rombo, 1996, ISBN 8482579323
  • Musicalia, Enciclopedia y Guía de la Música Clásica, Editorial Salvat, 1986, ISBN 84-7137-872-8
  • Larousse de la musique, Librairie Larousse, 1957

Outros artigosEditar