Javier Mascherano

Javier Mascherano
	; (2014)
Biografía
Nacemento	(es) Javier Alejandro Mascherano ; 8 de xuño de 1984 (40 anos); San Lorenzo, Arxentina (pt)
Altura	174 cm
Peso	74 kg
Actividade
Ocupación	adestrador de fútbol (2021–), futbolista (–2020)
Período de actividade	3 de agosto de 2003 -
Nacionalidade deportiva	Arxentina
Deporte	fútbol
Liga	Premier League
Posición de xogo	Centrocampista e defensa central
2003–2005
Traxectoria
Participou en
2018	Mundial de Fútbol Rusia 2018
2014	Mundial de Fútbol Brasil 2014
2010	Mundial de Fútbol Suráfrica 2010
2008	Xogos Olímpicos de 2008
2006	Mundial de Fútbol Alemaña 2006
2004	Xogos Olímpicos de 2004

Javier Alejandro Mascherano, nado en San Lorenzo o 8 de xuño de 1984, é un exfutbolista arxentino que xogaba de centrocampista defensivo.

Traxectoria

Viviu en San Lorenzo (Arxentina). xogou desde mozo nas categorías inferiores do River Plate. En 2003 Mascherano empeza a xogar co primeiro persoal. Debuta na Primeira división da liga arxentina de fútbol o 3 de agosto de 2003 no partido River Plate 2-1 Nueva Chicago. Con River Plate proclamouse campión do Torneo Clausura en 2004.

Na Copa Libertadores 2005 marcou o seu primeiro gol oficial coa camiseta de River Plate nunha apilada fenomenal contra Olmedo de Ecuador facendo un dos mellores goles desa copa.

Durante ese ano, varios clubs europeos mostraron interese en fichar a Mascherano, pero finalmente faio Corinthians en 2005. Con este equipo gañou unha Liga brasileira.

Novamente cambia de club o 30 de agosto do ano 2006, é traspasado (xunto co tamén arxentino e xogador do Corinthians Carlos Tévez) ao West Ham United inglés, pola suma de 35 millóns de dólares. No club inglés non lle foi moi ben xa que o técnico non o convocaba a case ningún partido, de xeito inexplicable, provocando o desexo extremo do Jefecito a abandonar devandita entidade.

A fins do 2006, o Liverpool manifestou a súa intención de contratar a Mascherano, pero debido a que a regulamentación da FIFA prohibe a participación dun xogador en tres equipos nunha mesma tempada e Mascherano xa xogara no Corinthians e o West Ham United, o equipo de Anfield realizou un pedido ante a FIFA para poder dispor de Mascherano. O 31 de xaneiro do 2007, a FIFA outorgou o permiso logo de considerar as coincidencias nas tempadas do fútbol suramericano e europeo. Con todo, o Liverpool debeu esperar o visto e prace por parte da Premier League^[1], que finalmente foi outorgado. Para rematar, debutou oficialmente no Liverpool ante o Sheffield United, o 24 de febreiro de 2007.

A finais de febreiro de 2008, asinou un contrato permanente con Liverpool FC ata 2012 pola cifra de 18 millóns de libras ($ 35 700 000), con todo, sendo un titular indiscutido, o 27 de agosto do 2010 o Liverpool FC asinou un acordo para o traspaso do xogador ao FC Barcelona de España pola cantidade de 24 de millóns de euros^[2] para as 4 próximas tempadas, cobrando o xogador 5,5 millóns de euros ao ano máis incentivos.