Jacob Hübner
Jacob Hübner, nado en Augsburgo o 20 de xuño de 1761 e finado na mesma cidade o 13 de setembro de 1826, foi un entomólogo alemán.
| Jacob Hübner | |
|---|---|
 | |
| Nacemento | 20 de xuño de 1761 |
| Lugar de nacemento | Augsburgo, Sacro Imperio Romano Xermánico |
| Falecemento | 13 de setembro de 1826 |
| Lugar de falecemento | Augsburgo, Reino de Baviera |
| Nacionalidade | alemá |
| Ocupación | entomólogo |
| Lingua | alemán, latín |
| Coñecido por | A súa colección de bolboretas europeas |
| [ editar datos en Wikidata ] | |
Traxectoria editar
Jacob Hübner foi un dos fundadores do estudo da entomoloxía, e un dos primeiros especialistas de Europa dos lepidópteros. Foi o autor, entre outras obras, de Sammlung Europäischer Schmetterlinge (Colección de bolboretas europeas) (1796-1805), na que describiu un gran número de novas especies.
Ademais, foi deseñador e gravador e, desde 1786, traballou durante tres anos como deseñador e gravador nunha fábrica de algodón en Ucraína. Alí recolleu bolboretas e avelaíñas incluíndo descricións e ilustracións dalgunhas en Beiträge zur Geschichte der Schmetterlinge (1786-1790) xunto con outras novas especies do campo da súa casa en Augsburgo.
A obra mestra de Hübner Tentamen pretendía ser un documento de discusión. Publicado sen querer, provocou unha confusión posterior na clasificación. As súas publicacións foron emitidas, algunhas despois da súa morte, moitas veces sen datas de publicación asociadas. Arthur Francis Hemming, secretario da Comisión Internacional de Nomenclatura Zoolóxica, resumiu todas as citas dos nomes taxonómicos propostos por Hübner, restrinxindo así as posíbeis datas de publicación que levaron á aceptación das obras de Hübner como publicacións taxonómicas válidas.
Obras editar
- Sammlung auserlesener Vögel und Schmetterlinge, mit ihren Namen herausgegeben auf hundert nach der Natur ausgemalten Kupfern (1793).
- Sammlung europäischer Schmetterlinge (1796-1805).
- Beiträge zur Geschichte der Schmetterlinge (1786 e 1790)
- Sammlung exotischer Schmetterlinge, 2 vols. (1806-1834) (con Carl Geyer e Gottlieb August Wilhelm Herrich-Schäffer).
- Geschichte europaischer schmetterlinge (1806-1824).
- Tentamen determinsationis, digestionis atque demonationis singularum stirpium Lepidopterorum, peritis anuncio inspiciendum et dijudicandum communicatum (1806).
- Systematisch-alphabetisches Verzeichnis aller Bisher bey den Fürbildungen zur Sammlung europäischer Schmetterlinge angegebenen Gattungsbenennungen (1822).
Abreviatura editar
A abreviatura Hübner emprégase para recoñecer a Jacob Hübner como autoridade na descrición e taxonomía en zooloxía.
Véxase tamén editar
| Wikimedia Commons ten máis contidos multimedia na categoría: Jacob Hübner |
| Wikispecies posúe unha páxina sobre: Jacob Hübner |
Bibliografía editar
- Hemming, F. (1937): A bibliographical and systematic account of the entomological works of Jacob Hübner. Londres, 2 vols.
Ligazóns externas editar
- Jacob Hübner. Biografía (en alemán).
- Obras de Jacob Hübner na Biodiversity Heritage Library.