Iván Pozo

Iván Pozo, nado en Vigo o 26 de agosto de 1979, é un boxeador galego que pelexa na categoría dos peso mosca.

Iván Pozo

Biografía
Nacemento	26 de agosto de 1979 (44 anos) Vigo, España
Datos persoais
País de nacionalidade	España
Actividade
Ocupación	boxeador
Lingua	Lingua castelá
Deporte	Boxeo
Disciplina deportiva	flyweight (en)

A pesar de inicios persoais difíciles, axiña se fixo un sitio no boxeo de nivel galego e estatal. En 2004 conseguía o campionato de España, título que revalidaba en setembro de 2005. En xullo de 2005 conseguía ademais o título de campión de Europa, fronte ao italiano Andrea Sarritzu, título que perdería posteriormente, en 2007, diante do mesmo púxil. En 2009 recuperouno ao derrotar aos puntos o francés Christophe Rodríguez. O árbitro parou a pelexa no noveno asalto, logo de que o francés lle abrise a cella involuntariamente a Pozo, e non lle parase de sangrar. O posuidor do título, o tamén francés Bernard Inom, non quixo defendelo tras a súa retirada do boxeo.

Combateu por primeira vez polo título mundial dos peso mosca da Organización Mundial do Boxeo contra o arxentino Omar Narváez, o 9 de maio de 2008, no pavillón das Travesas de Vigo. O combate, a doce asaltos, rematou coa retirada do galego antes de comezar o oitavo, e non puido pois lograr o cetro de campión do mundo. De momento ningún galego o conseguiu.

Está representado por Lorenzo Sanz, é amigo persoal do futbolista Míchel Salgado, e o seu promotor é o personaxe televisivo español Kiko Matamoros. O seu adestrador é Francisco Amoedo.

Predecesor: Andrea Sarritzu	Campión de Europa de boxeo peso mosca  2005	Sucesor: Andrea Sarritzu
Predecesor: Bernard Inom	Campión de Europa de boxeo peso mosca  2009-	Sucesor: retén o título