Isère
Isère é o departamento número 38 de Francia, localizado na rexión de Auvernia-Ródano-Alpes.
Historia Editar
Isère tira o seu nome do afluente da beira dereita do río Ródano e do "país" (latín pagus) que o bordea. A etimoloxía vén do celta Isar, é dicir, "o ferro", mineral que debía ser abandonado ó longo das beiras do Isère na época prehistórica.
En tanto que departamento, Isère foi creado durante a Revolución francesa, o 4 de marzo de 1790 en aplicación da lei do 22 de decembro de 1789, a partir dunha parte da provincia do Delfinado.
Os seus límites co departamento de Ródano foron moitas veces modificados, sobre todo en 1852 e en 1967, amputando o Isère que se estendía inicialmente ata Villeurbanne.
Xeografía Editar
O departamento de Isère forma parte da rexión de Auvernia-Ródano-Alpes. Linda cos departamentos de Ródano, Ain, Savoia, Altos Alpes, Drôme, Ardèche e Loira.
Debe o seu nome ó río Isère, que o atravesa polo fondo do val do Grésivaudan (tamén chamado Graisivaudan).
Este departamento ten moitos contrastes: ao norte as Terras Frías, terra de vales; no centro-este o macizo da Chartreuse; despois, na beira esquerda do Isère os macizos de Belledonne, de Grandes-rousses, de Ecrins (punto culminante do departamento a 4.102 m) e o macizo de Vercors ó oeste.