Imperio Azteca

imperio de América do Norte

O Imperio Azteca ou a Tripla Alianza (en náhuatl: Ēxcān Tlahtōlōyān), comezou como unha alianza de tres "altepetl", ou cidades-estado aztecas: Tenochtitlán, Texcoco e Tlacopán. Estas tres cidades-estado gobernaron a área arredor do Val de México dende 1428 até que en 1521 foron derrotadas polas forzas dos conquistadores españois e os seus aliados nativos baixo o mando de Hernán Cortés.

Modelo:Xeografía políticaImperio Azteca
Ēxcān Tlahtōlōyān (nah) Editar o valor em Wikidata

Localización
Editar o valor em Wikidata Mapa
 19°26′00″N 99°08′00″O / 19.433333, -99.133333Coordenadas: 19°26′00″N 99°08′00″O / 19.433333, -99.133333
CapitalTenochtitlán Editar o valor em Wikidata
Poboación
Poboación5.000.000 (1500) Editar o valor em Wikidata (16,67 hab./km²)
Lingua oficiallingua náhuatl clásica Editar o valor em Wikidata
RelixiónRelixión azteca Editar o valor em Wikidata
Xeografía
Superficie300.001 km² Editar o valor em Wikidata
Datos históricos
Precedido por
Creación1428 (Gregoriano) Editar o valor em Wikidata
Disolución13 de agosto de 1521 Editar o valor em Wikidata
Sucedido porReino de Nova España Editar o valor em Wikidata
Organización política
Forma de gobernomonarquía composta
Teocracia
Cidade-estado
Confederación
goberno militar Editar o valor em Wikidata
MoedaQuachtli Editar o valor em Wikidata

A Tripla Alianza formouse na facción vitoriosa dunha guerra civil entre a cidade de Azcapotzalco e as súas antigas provincias tributarias. Malia que o imperio comezou nun principio como unha alianza por tres cidades autogobernadas, Tenochtitlán axiña se converteu na dominante militarmente.[1] Na época da chegada dos españois, en 1519, as terras da Alianza estaban gobernadas por Tenochtitlán, mentres que os seus aliados tiñan papeis subsidiarios.

A alianza comezou guerras e expandiuse rapidamente despois da súa formación. No seu estado máximo de expansión, a alianza controlou a maioría do centro de México así como territorios máis distantes dentro de Mesoamérica, como a provincia de Xoconochco, un exclave azteca preto da actual fronteira con Guatemala. O goberno azteca foi descrito polos estudosos como "hexemónico" ou "indirecto".[2] Os aztecas deixaron no poder ós gobernantes das cidades conquistadas sempre que aceptasen dun tributo semi-anual á Alianza, así como apoio militar na guerra. En compensación, a autoridade imperial ofreceu protección e estabilidade política, e facilitou a integración económica de diversos pobos e territorios cunha significativa autonomía local.

A relixión do imperio era o politeísmo azteca, adorando a diversos panteóns que incluían a ducias de deidades. Moitos cultos conseguiron un recoñecemento oficial importante abondo como para estar representado no recinto do templo central da capital. O culto imperial era o de Huitzilopochtli, o distintivo deus guerreiro dos mexicas. Os pobos das provincias conquistadas tiñan permitido manter e continuar coas súas propias tradicións relixiosas, sempre que engadisen ó deus imperial Huitzilopochtli nos seus panteóns locais.

Notas editar

  1. Hassig 1988
  2. Smith 2001

Véxase tamén editar

Bibliografía editar

Fontes primarias
Fontes secundarias

Outros artigos editar