Lenda da fundación do Imperio Azteca
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xuño de 2017.) |
Segundo a lenda, o pobo azteca, que formaba o pobo máis poderoso do México central precolombiano, chegara ó territorio desde o cal se expandiría para forxar o seu imperio, debido a unha manifestación do seu principal deus, Huitzilopochtli.
Este deus falou ós sacerdotes do pobo para que abandonasen o país de Aztlán, onde vivían os aztecas, na busca dunha nova terra onde fundarían un rico e poderoso imperio. Segundo as instrucións de Huitzilopochtli, debían establecerse onde visen unha aguia devorar unha serpe sobre un nopal.
302 anos despois de abandonaren Aztlán atoparon esa escena, e alí fundaron a cidade de Tenochtitlán (sobre a cal se fundaría a actual Cidade de México), e desde ela se expandiron formando o poderoso Imperio Azteca.
Este feito foi considerado o verdadeiro nacemento do actual Estado de México trala súa independencia de España, e foi plasmado no escudo do país, onde se observa este acontecemento.