Imago
En bioloxía, o imago é o último estadio polo que pasa un insecto durante a súa metamorfose, que é o seu proceso de crecemento e desenvolvemento. Tamén se chama estadio imaxinal, o estadio no que o insecto chega á súa madurez. A fase de imago é a que segue á écdise final dos ínstares inmaturos.[1]
Nos membros dos Ametábolos e Hemimetábolos, nos cales a metamorfose é "incompleta", a écdise final prodúcese despois do último estadio inmaturo ou ninfa. En insectos holometábolos, nos cales hai un estadio pupal, a écdise final segue á emerxencia da pupa, despois do cal a metamorfose é completa, aínda que hai un período prolongado de maduración nalgunhas especies.[2]
O imago é o único estadio durante o cal o insecto é sexualmente maduro e, se este é unha especie alada, ten ás funcionais. Á fase previa onde aínda non é sexualmente maduro chámaselle subimago. O imago xeralmente se denomina estadio adulto.[1]
Os membros da orde dos Ephemeroptera non teñen estadio de pupa, pero pasan brevemente por un estadio extra alado chamado subimago. Os insectos neste estadio teñen ás funcionais pero non son aínda sexualmente maduros.[1]
Etimoloxía editar
Imago en latín significa 'imaxe'. O plural latino é imagines, pero úsase xeralmente o plural regular imagos.
Notas editar
- ↑ 1,0 1,1 1,2 Carpenter, Geo. H., The Life-Story of Insects. Cambridge University Press 1913. May be downloaded from: https://www.gutenberg.org/ebooks/16410 or https://archive.org/details/thelifestoryofin16410gut
- ↑ Richards, O. W.; Davies, R.G. (1977). Imms' General Textbook of Entomology: Volume 1: Structure, Physiology and Development Volume 2: Classification and Biology. Berlin: Springer. ISBN 0-412-61390-5.