Illa de Tierra
Coordenadas: 35°12′55″N 3°54′09″O / 35.21528, -3.90250
A illa de Tierra é un illote que forma, xunto coa illa de Mar e o Peñón de Alhucemas, o arquipélago das illas Alhucemas, unha das tradicionais prazas de soberanía españolas no norte de África.
| Tierra | |
|---|---|
 Territorios de soberanía española no norte de África. | |
 As illas de Tierra (dereita) e Mar (esquerda), co Peñón de Alhucemas ao fondo. | |
| Situación | |
| País |  España |
| Arquipélago | Illas Alhucemas |
| Mar | Mediterráneo |
| Coordenadas | 35°12′55″N 3°54′09″O / 35.21528, -3.90250 |
| Xeografía | |
| Superficie | 0,017 km² |
| Punto máis alto | 11 m |
| Distancia a terra | 50 m (da costa de África) |
| Demografía | |
| Poboación | Deshabitada |
Está situada a 50 metros da praia marroquí de Sfiha e ascende ata uns 11 m sobre o nivel do mar. Está deshabitada e non ten ningunha edificación.
Desde o incidente da illa Perejil, foi cercada de arame. Desde entón formouse un núcleo reprodutor de gaivota de Audouin grazas á tranquilidade que se lle garante.
En setembro de 2012, un grupo de inmigrantes ilegais chega ao illote, aproveitando a proximidade ás costas marroquís das que se pode chegar facilmente a nado. As autoridades españolas recolleron aos menores e ás nais embarazadas e leváronos a Melilla, mentres que o resto foron deportados a Marrocos.[1] A expulsión que as autoridades españolas realizaron por “vía de feito” vulnera, segundo diversas organizacións da sociedade civil como APDHA[2], a lexislación española en materia de asilo e o procedemento de devolución previsto na normativa de estranxeiría, así como as convencións internacionais en materia de asilo.