Iñaki Pérez Beotegi

Iñaki Pérez Beotegi, Wilson, nado en Vitoria en 1948, e finado en Vitoria o 11 de marzo de 2008 foi un activista político vasco militante de ETA.

Iñaki Pérez Beotegi
AlcumeWilson
Nacemento31 de xullo de 1948
Lugar de nacementoVitoria
Falecemento11 de marzo de 2008
Lugar de falecementoVitoria
NacionalidadeEspaña
Ocupaciónterrorista e político
editar datos en Wikidata ]

Despois de pasar algún tempo a estudar en Inglaterra, onde traballaban os seus pais, uníuse a ETA-V Asemblea. Alí tamén participou en folga de fame en apoio dos xulgados no Proceso de Burgos e causou un incendio na embaixada española en Londres en 1970.[1] Volveu para o País Vasco, pero despois do secuestro de Lorenzo Zabala tivo que fuxir de novo, e, grazas ós seus coñecementos de inglés, foi o encargado de eido internacional de ETA.[2]

É considerado, xunto a'Argala, o cerebro da Operación Ogro, que foi o asalto contra Luis Carrero Blanco. Despois, pasouse a ETA pm e foi detido en Barcelona en 1975, con Jon Paredes Manot, grazas á información do infiltrado Lobo.[3] Pouco antes da amnistía de 1977 foi excarcerado e enviado para a Noruega con Xabier Izko de la Iglesia, Iñaki Múgica Arregi, Ezkerra, José Antonio Garmendia e Iñaki Sarasketa entre outros,[4] ata que a amnistía lle permitiu volver.

Unha vez incorporado á vida pública ingresa en Euskadiko Ezkerra, pero o 1983 e abandónaa e funda Auzolan con Iñaki Múgica Arregi, pero tras o fracaso recuou e dedicouse a industria da hostelaría. Morreu o 10 de marzo de 2008 en Vitoria tras unha longa enfermidade.

NotasEditar

  1. (En castelán), O etarra que atentou contra Carrero Blanco, El Mundo, 12 de marzo de 2008. (data de acceso: 11-12-08)
  2. (En castelán) Base de datos de terroristas, (data de acceso: 11-12-08)
  3. (En castelán) Fallece 'Wilson', histórico de ETA atentó contra Carrero Arquivado 06 de outubro de 2008 en Wayback Machine., Noticias de Guipúscoa, o 12 de marzo de 2008. (data de acceso: 11-12-08)
  4. (En castelán) lzko e Garmendía, extrañados en Noruega, O País, 7 de xuño de 1977. (data de acceso: 11-12-08)

Véxase taménEditar

Ligazóns externasEditar