Abrir o menú principal

En taxonomía (a ciencia biolóxica da clasificación dos seres vivos), dise que un taxon é holofilético cando inclúe non só ao antepasado común dos seus membros, senón a todos os seus descendentes. Esta situación denomínase holofilia (do grego ὅλος hólos, "todo", "enteiro", e φυλή phylé, "tribo", "grupo de individuos"). Grupo holofilético é sinónimo de clado.

Todos os taxónomos rexeitan o uso de grupos polifiléticos na clasificación, pero aqueles que aproban o uso de grupos parafiléticos, consideran que tanto estes como os holofiléticos deben ser considerados monofiléticos.

Porén, outros especialistas, seguidores da escola cladista, consideran que só os grupos holofiléticos son realmente monofiléticos, e definen a monofilia en consecuencia. Así, propoñen o termo holofilético para substituír, de forma semanticamente correcta, ao termo monofilético en cladística (que difire do uso que se fai na sistemática evolutiva).[1]

Porén, o termo holofilético non gañou unha ampla aceptación na comunidade científica probabelmente porque o termo monofilético úsase amplamente co mesmo significado.

NotasEditar

  1. Ashlock, P. D. (1971). "Monophyly and associated terms". Systematic Zoology 20 (1): 63–69. 

Véxase taménEditar

BibliografíaEditar

Outros artigosEditar

Ligazóns externasEditar

  • Funk, D. J. e Omland, K. E. (2003): "Species-level paraphyly and polyphyly: Frequency, cause and consequences, with insights from animal mitochondrial DNA". Annu. Rev. Ecol. Evol. Syst. 34: 397–423. Artigo en PDF Consultado o 15/01/2013.