Hixinio Puentes
Hixinio Puentes Novo, nado no Porto do Barqueiro (Mañón) en 1952, é un mestre de profesión e investigador da historia do seu concello, escritor e autor de diversos estudos relacionados co mundo do mar. Desde 2021 é cronista oficial de Mañón.
| Biografía | |
|---|---|
| Nacemento | 1952  (71/72 anos)Mañón, España |
| Datos persoais | |
| País de nacionalidade | España |
| Actividade | |
| Ocupación | escritor |
| Lingua | Lingua castelá |
Traxectoria editar
Como escritor, trata temas de novela e investigación histórica, en lingua galega e castelá. Como investigador destacan os seus estudos sobre a costa norte de Galiza como o centrado nos naufraxios acontecidos na provincia marítima de Ferrol ou sobre a galerna de 1961. Colabora en revistas de estudos, como Terras do Ortegal, revista de estudos locais, onde ten publicado o último dos seus artigos, titulado "A gavela das Grañas no primeiro terzo dó século XIX"[1].
En base aos seus méritos e concentración de investigación no seu concello, en 2015 foi proposto no pleno da Corporación como Cronista Oficial do concello de Mañón por parte do grupo municipal do PSOE, sen que o PP, que goberna o municipio hai anos levase adiante a proposta. En 2018 a asociación Nordés reiterou a solicitude, que tampouco tivo resposta.[2] En xuño de 2021 o PP e o PSOE acordaron o seu nomeamento, de xeito que finalmente en decembro do mesmo ano foi nomeado como cronista oficial.[3][4]
Obra editar
Narrativa editar
- O bandido Casanova (Xerais, 2000).
- Aguillóns de Ortegal (Xerais, 2005). Novela que dá conta, en forma de relato autobiográfico, do mariñeiro Fonseca.
- Monbars, o Exterminador (Xerais, 2006). É unha novela ambientada no século XVII que ten como protagonista o pirata francés do mesmo nome.
- A do vinte e un (Sotelo Blanco, 2010).
- Winnipeg (Xerais, 2013). Na que recrea a historia de Manuel Pita Armada.
Ensaio editar
- Os naufraxios da Galicia norte. I e II, (Edicións Lea, Santiago, 2003, 2005).
- A galerna de 1961 (Edicións Lea , 2006), ISBN 84-95444-64-X
- Matrícula de Bilbao. Investigación sobre grandes buques bilbaínos.
Premios editar
- Premio Pastor Díaz no 1999, por O bandido Casanova.
- Accésit do Premio de Xornalismo David Fojo no 1999, cunha serie de artigos publicados en La Voz de Ortigueira.
- Premio Eixo Atlántico de Narrativa Galega e Portuguesa no 2006, por Monbars, o Exterminador.
- Premio Vicente Risco de Creación Literaria no 2009, por A do vinte e un.
Notas editar
- ↑ Puentes Novo, Hixinio (xuño 2021). "A gavela das Grañas no primeiro terzo do século xix". Terras do Ortegal (8): 21–50.
- ↑ "Nordés propone que se nombre a Hixinio Puentes cronista oficial". La Voz de Galicia (en castelán). 14.12.2018. Consultado o 14.06.2021.
- ↑ "El escritor Hixinio Puentes será el cronista oficial de Mañón". La Voz de Galicia (en castelán). 20.06.2021.
- ↑ "El escritor Hixinio Puentes, nombrado cronista oficial de Mañón". La Voz de Galicia (en castelán). 11.12.2021.