Hipercolesterolemia

Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico.

Hipercolesterolemia ou "colesterol alto" é a presenza de niveis elevados de colesterol no sangue. No ámbito da saúde, este termo adoita empregarse para un típico específico de colesterol, o LDL (popularmente coñecido coma colesterol malo), o cal atópase asociado a diversas doenzas coma a ateroesclerose, o infarto ou o ictus.

Índice

Causas

A obesidade é unha enfermidade asociada a niveis altos de colesterol.

O consumo regular de comidas ricas en graxas e a falta de exercicio físico son os factores ambientais que máis inflúen no desenvolvemento de estados de hipercolesterolemia. Tamén os factores xenéticos teñen certa influencia, sendo na meirande parte dos casos debido e efectos aditivos de múltiples xenes. Ocasionalmente pode ser debido á mutación dun único xene, coma na hipercolesterolemia familiar.

Existen certas doenzas que aumentan o risco de padeceren hipercolesterolemia, entre as que se inclúen::

• Diabetes mellitus tipo 2;
• Obesidade;
• Alcolismo;
• Ganmapatía monoclonal;
• Síndrome nefrótica;
• Ictericia obstrutiva;
• Hipotiroidismo;
• Síndrome de Cushing

Véxase tamén

Outros artigos

• LDL
• HDL

Ligazóns externas

• "Hipercolesterolemia familiar y enfermedades cardiovasculares: una relación genética" blog, 29/9/2012 (en castelán).