Heterodontiformes
| Heterodontiformes (Heterodontiformes) Tiburóns cornudos Rango fósil: triásico temperán - actualidade [1] | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Tiburón de Port Jackson (Heterodontus portusjacksoni) | |||||||||||||||||
| Clasificación científica | |||||||||||||||||
| |||||||||||||||||
| Especies | |||||||||||||||||
| |||||||||||||||||
Os heterodontiformes (Heterodontiformes) son unha orde de condrictios elasmobranquios selaquimorfos,[2] coñecidos vulgarmente na bibliografía como tiburóns cornudos.
A orde inclúe unha soa familia, a dos heterodóntidos (Heterodontidae), cun só xénero actual, Heterodontus, que reúne nove especies.
Características editar
Os heterodontiformes son tiburóns moi primitivos de pequeno tamaño, de tan só 165 cm de lonxitude como máximo. Posúen dúas aletas dorsais, cada unha provista dunha espiña; e presentan aleta anal. Tieñen cinco fendeduras branquiais e os espiráculos son pequenos. Os ollos carecen de membrana nictitante. Os nostrilos están conectados coa boca por un profundo suco. Os dentes anteriores son pequenos e cuspidados, e os posteriores anchos e molariformes (en forma de moa). O morro é moi curto e arredondado.[3]
Historia natural editar
Habitan polo regular entre os 2 e os 150 m de profundidade, en arrecifes, bosques de algas, rochas e cavernas. A maioría son nocturnos, permanecendo pouco activos durante o día. Aliméntanse no fondo. Son agresivos, xa que poden morder se se os agride. Son ovíparos; os ovos están envolvidos nunha gran funda espiral. Na cópula, o macho morde á femia até que esta o acepta.
Distribución editar
Viven en augas temperadas e cálidas do océano Índico e o oeste do Pacífico. Ausentes no Atlántico.[3]
Taxonomía editar
Os heterodontiformes inclúen unha soa familia, Heterodontidae, con tres xéneros extintos e só un actual:[4]
- Familia Heterodontidae
- Xénero Paracestracion †
- Xénero Pseudoheterodontus †
- Xénero Strongyliscus †
- Xénero Heterodontus
Especies actuais editar
Os heterodontiformes inclúen nove especies actuales, todas no xénero Heterodontus:[5]
- Heterodontus francisci - tiburón cornudo durmiñón
- Heterodontus galeatus - tiburón cornudo de crista.
- Heterodontus japonicus - tiburón cornudo xaponés.
- Heterodontus mexicanus - tiburón cornudo mexicano.
- Heterodontus omanensis - tiburón cornudo de Omán.
- Heterodontus portusjacksoni - tiburón de Port Jackson.
- Heterodontus quoyi - tiburón cornudo das Galápagos.
- Heterodontus ramalheira - tiburón cornudo africano.
- Heterodontus zebra - tiburón cornudo cebra.
Notas editar
- ↑ Sepkoski, Jack (2002). "A compendium of fossil marine animal genera (Chondrichthyes entry)". Bulletins of American Paleontology 364: p.560. Arquivado dende o orixinal o 10/05/2012. Consultado o 13/11/2012.
- ↑ Froese, Ranier e Daniel Pauli, eds. Heterodontiformes. FishBase. Versión de 7 de xaneiro de 2010.
- ↑ 3,0 3,1 Froese e Pauli, Op. cit.
- ↑ Mikko's Phylogeny Archive. Heterodontiformes
- ↑ Lista de especies de Heterodontidae Froese, R. e D. Pauly. Eds. 2009. FishBase. World Wide Web electronic publication. www.fishbase.org, versión (10/2009).
Véxase tamén editar
Wikimedia Commons ten máis contidos multimedia na categoría: Heterodontiformes  |
| Wikispecies posúe unha páxina sobre: Heterodontiformes |
Outros artigos editar
Ligazóns externas editar
- ITIS. Standard Report. Heterodontus Blainville, 1816 (en inglés) Consultada o 13/11/2012.