Hawker Typhoon
O Hawker Typhoon foi un cazabombardeiro británico usado durante a segunda guerra mundial. Comezou a deseñarse en 1937 paralelamente co Hawker Tornado como substituto do Hurricane. O Tornado e o Typhoon tiñan a mesma célula, pero montaban distinto motor, e finalmente ao non ser satisfactorio o motor do Tornado cancelaríase o seu proxecto. O prototipo do Thypoon voaría en febreiro de 1940 e ordenouse a súa produción. Foi un bo cazabombardeiro, espacializado sobre todo en misións contracarro. Construíronse 3.270 exemplares.
| Hawker Typhoon | |
|---|---|
 Typhoon Mk.IB | |
| Tipo | cazabombardeiro |
| Fabricante | Hawker Aircraft/Gloster |
| Primeiro voo | 24 de febreiro de 1940 |
| Unidades construídas | 3.270 |
| Variantes | Hawker Tornado Hawker Tempest Hawker Sea Fury |
Alcumado como Tiffy na RAF, a súa intrución en servizo estivo chea de problemas, e durante varios meses o avión tivo un dubidoso futuro. En 1941 a Luftwaffe incorporou o Focke-Wulf Fw 190 e ao ser o único caza da RAF capaz de interceptar ao Fw 190 a grande altitude, oe Typhoon adoptou o novo rol de interceptador a grandes alturas. Tamén realizou labores de interceptador nocturno e de caza de longo alcance. Cara finais de 1942 foi equipado con bombas, e un ano despois con foguetes de ataque ao chan. Con estas armas o Typhoon converteuse nun dos melloras avións de ataque a terra da segunda guerra mundial.