Hans von Boetticher

Hans von Boetticher, nado en San Petersburgo (Imperio Ruso) o 30 de agosto de 1886 (era un dos chamados alemáns do Báltico) e finado en Coburgo (Baviera) o 20 de xaneiro de 1958, foi un zoólogo alemán que traballou especialmente na ornitoloxía e na entomoloxía.

Hans von Boetticher

Biografía
Nacemento	(de) Hans Paul Heinrich Franz von Boetticher 30 de agosto de 1886 San Petersburgo, Rusia
Morte	20 de xaneiro de 1958 (71 anos) Coburgo (Alemaña)
Actividade
Ocupación	ornitólogo, zoólogo, entomólogo
Partido político	All-German People's Party (en)
Familia
Pai	Paul* Eduard Alfred Boetticher

Traxectoria

Boetticher traballou no Museo de Historia Natural de Coburgo. Varios dos seus traballos tratan sobre a taxonomía de nivel superior dos grupos de aves baseada na morfoloxía, a filoxenia e a bioxeografía.

Algunhas das súas outras obras inclúen as que publicou sobre os pinnípedes, pero a súa especial área de interese incluía patos e gansos, musofáxidos, psitácidos, pombas e aves mariñas. Describiu os xéneros de patos suramericanos Amazonetta e Speculanas. Algúns dos outros taxons de aves que el chamou como Galapagornis xa non son válidos.

Algunhas publicacións

Entre outras, escribiu unha serie de libros sobre as familias de aves, como:

• Gänse- und Entenvögel aus aller Welt (1952)
• Albatrosse und andere Sturmvögel (1955)
• Lärmvögel, Turakos und Pisangfresser (1955)
• Fasanen, Pfauen, Perlhühner und andere Zierhühner (1956)
• Pelikane, Kormorane und andere Ruderfüßler (1957)

Abreviatura

A abreviatura Boetticher emprégase para recoñecer a Hans von Boetticher como autoridade na descrición e taxonomía en zooloxía.

Véxase tamén

Ligazons externas

• Boetticher, Hans von en Deutsche Biographie (en alemán).