Handbook of the Mammals of the World

Handbook of the Mammals of the World (HMW) é unha serie de libros da editorial Lynx Edicions. Iniciada súa publicación en 2009 está previsto que conste de nove volumes. Cada familia de mamíferos é avaliada nunha introdución ampla, e inclúe fotografías e o mapa da área de distribución de cada unha das súas especies.

Este é o segundo proxecto importante e Lynx Edicions desde o lanzamento do Handbook of the Birds of the World (Manual das aves do mundo) en 1992.

Os editores principais son Russell Mittermeier e Don E. Wilson en asociación Conservation International, a Texas A&M University e a IUCN (Unión Internacional para a Conservación da Natureza e dos Recursos Naturais. Don E. Wilson é tamén un dos dous editores da obra de referencia Mammal Species of the World.^[1]

Volumes publicados editar

Volume 1: Carnivores (Carnívoros). Publicado en maio de 2009. Tamaño: 31 x 24 cm, 728 pp. ISBN 978-84-96553-49-1.

Iníciase cunha introdución á clase dos mamíferos por Don E. Wilson. A continuación trata as 13 familias e inclúe detalles da taxonomía, área de dispersión, hábitat, reprodución, comportamento e status de conservación de 254 especies, con máis de 400 fotografías en cor, 257 mapas de distribución e 33 láminas do artista catalán Toni Llobet.

Volume: 2 Hoofed Mammals (Mamíferos con pezuños). Publicado en agosto de 2011. Tamaño: 31 x 24 cm, 886 pp. ISBN 978-84-96553-77-4.

Abarca 6 ordes, con 17 familias, 54 xéneros e 279 especies. Inclúe 664 fotos en cor, 433 mapas de distribución e 56 láminas de Toni Llobet.

Volume 3: Primates. Publicado en abril de 2013. Tamaño: 31 x 24 cm, 951 pp. ISBN 978-84-96553-89-7.

Editado por Russell A. Mittermeier, Anthony B. Rylands e Don E. Wilson, trata as 17 familias dos primates, con 470 especies. Inclúe 57 láminas do artista inglés Stephen D. Nash.

'Volume 4: Sea Mammals (Mamíferos marmariños). Publicado en xullo de 2014. Tamaño: 31 x 24 cm, 614 pp. ISBN 978-84-96553-93-4.

Cobre 19 familias, con 147 especies. As súas 30 láminas en cor que inclúe son de Toni Llobet.

Volume 5: Marsupials (Marsupiais). Publicado en xuño de 2015. Tamaño: 31 x 24 cm, 800 pp. ISBN 978-84-96553-99-6.

Comprende 375 especies das 21 familias que forman as 8 ordes destes animais, e inclúe 44 láminas de Toni Llobet.

Volume 6: Lagomorphs and Rodents I (Lagomorfos e roedores I). Publicado en xullo de 2016. Tamaño: 31 x 24 cm, 988 pp. ISBN 978-84-941892-3-4.

Editado por Don E. Wilson, Thomas E. Lacher Jr. e Russell A. Mittermeier, inicialmente pretendíase publicar un único volume de lagomorfos e roedores. Pero debido ao gran número de roedores para describir, Lynx Edicions organizou unha enquisa no verán e o outono de 2015 na que a maioría dos clientes se decidiu a favor de dous volumes. Neste descríbense as dúas familias dos lagomorfos e 25 de roedores, cun total 798 especies; inclúe tamén 60 lámoinas de Toni Llobet.

Volumes pendentes de publicación editar

Volume 7: Rodents II (Roedores II).
Volume 8: Insectivores (Insectívoros).
Volume 9: Bats (Morcegos).

Notas editar

↑ Wilson, D. E. & D. M. Reeder, editors (2005): Mammal species of the world - A taxonomic and geographic reference. Third edition. Baltimore, Maryland, USA: The Johns Hopkins University Press. ISBN 978-0-8018-8221-4.

Véxase tamén editar

Outros artigos editar

Lynx Edicions

Ligazóns externas editar

Handbook of the Mammals of the World Máis información sobre a serie.
Información en castelán

[1] Wilson, D. E. & D. M. Reeder, editors (2005): Mammal species of the world - A taxonomic and geographic reference. Third edition. Baltimore, Maryland, USA: The Johns Hopkins University Press. ISBN 978-0-8018-8221-4.

[1]