Hédilo
Hédilo (grego antigo: Ἥδυλος , Hēdylos) foi un poeta escritor de epigramas grego do século -III, nativo de Samos ou Atenas e fillo da poetisa Hédile e de Melicerto.
| Biografía | |
|---|---|
| Nacemento | 300 a. C.  Atenas, Grecia |
| Morte | século III a. C. |
| Datos persoais | |
| Residencia | Samos Alexandría |
| País de nacionalidade | Antiga Atenas |
| Actividade | |
| Ocupación | poeta , escritor , epigramatista |
| Lingua | Grego antigo |
| Familia | |
| Nai | Hédile |
Traxectoria editar
Os seus poemas incluíronse na Grilanda de Meleagro de Gadara (Proemio 45). Once deles forman parte da Antoloxía grega, pero é moi dubidoso que sexa o autor de dous deles, o IX e o X. A maioría dos seus epigramas eloxian o viño e todos eles son humorísticos. Nalgúns describe as ofrendas dedicadas ao templo de Arsínoe II, entre as que menciona o órgano hidráulico de Ctesibio. Sabemos que era contemporáneo e rival de Calímaco e amigo de Posidipo. Por tanto viviu durante o reinado de Ptolomeo II Filadelfo, e debe catalogarse na escola alexandrina de poetas. Segundo Ateneo, suicidouse por desamor dun tal Glauco.
Véxase tamén editar
Bibliografía editar
- Poesía helenística menor (Poesía fragmentaria). Madrid: Editorial Gredos. ISBN 978-84-249-3225-1.
- Jacobs. Anthologia Graeca I.