Gonzalo Lorenzo

Gonzalo Lorenzo Codesido, nado en Pontevedra, foi un futbolista galego que xogaba na demarcación de dianteiro. Era irmán dos tamén futbolistas Edelmiro e O'Donell Lorenzo Codesido e tío do tamén xogador do Celta Telesforo Lorenzo Gama.

Gonzalo Lorenzo

Biografía
Nacemento	Pontevedra, España
Actividade
Ocupación	futbolista
Deporte	fútbol
Posición de xogo	Dianteiro
Traxectoria   Equipo –   Celta de Vigo
Familia
Irmáns	O'Donell Lorenzo Codesido Edelmiro Lorenzo Codesido

Traxectoria

Comezou a xogar en Pontevedra, no Eiriña CF, ao igual que os seus dous irmáns. Xunto a eles emigrou pouco despois a Cuba para xogar no Iberia da capital cubana, equipo co que gañou o campionato nacional.

A súa volta a Galiza volveu xogar no Eiriña, ata o verán de 1933 cando ficha polo Celta de Vigo, por aquel entón baixo a dirección de José María Peña.

Xa na primeira tempada tivo un papel moi importante no equipo, que se proclama campión do Campionato Galego e se clasifica para a promoción de ascenso a Primeira División, ese ano anotaría un total de 24 goles en 34 encontros, entre eles cinco tantos ao Deportivo Alavés no campionato de Segunda División.

Na tempada 1935/36 o equipo acada o ascenso a Primeira División tras proclamarse campión da categoría, sendo Gonzalito un dos xogadores máis utilizados. Porén non chegou a debutar na máxima categoría, xa que a Guerra Civil paralizou a competición oficial, polo que esa foi a última tempada de Gonzalo no Celta, tras 86 encontros e 50 goles.

Tras rematar a tempada 1933/34 da Segunda División o Celta afrontou a Copa de España. Na segunda eliminatoria desta competición Gonzalo enfrontouse aos seus dous irmáns Edelmiro e O'Donell, que por aquel entón xogaban no RCD Espanyol.

Véxase tamén

Ligazóns externas

• Marcos L. Bacariza (16 de xuño de 2010). "Gonzalito Lorenzo". Yo jugué en el Celta (en castelán).