Geza Vermes

Geza Vermes, nado en Mako (Hungría) o 22 de xuño de 1924 e finado en Oxford o 8 de maio de 2013, foi un dos primeiros estudosos dos Manuscritos do Mar Morto e un especialista de primeiro nivel a escala mundial en materia de xudaísmo histórico e na figura do Xesús de Nazaret histórico.

Geza Vermes
Nacemento	22 de xuño de 1924
Lugar de nacemento	Makó
Falecemento	8 de maio de 2013
Lugar de falecemento	Oxford
Causa	cancro
Nacionalidade	Reino Unido, Hungría e Reino Unido de Gran Bretaña e Irlanda
Relixión	xudaísmo
Alma máter	Universidade Católica de Lovaina
Ocupación	teólogo, Judaic scholar, historiador, profesor universitario, sacerdote católico e tradutor
Cónxuxe	Margaret Unarska e [Noreen] Pamela Hobson
Premios	Membro da Academia Britânica, doutor honoris causa pola universidade de Edimburgo e honorary doctor of Durham University
[ editar datos en Wikidata ]

Traxectoria

A súa nai e o seu pai, xornalista, morreron no holocausto. Graduouse en Historia Oriental e Filoloxía pola Universidade Católica de Lovaina e obtivo o doutoramento en Teoloxía. Foi colaborador do Centro Nacional de Investigacións científicas en París e profesor de estudos bíblicos na Universidade de Newcastle. En 1965 foi designado profesor de estudos xudeus na Universidade de Oxford.

A súa familia, aínda que de orixe xudía, profesaba o catolicismo, relixión que el abandonou para recuperar plenamente a súa condición de xudeu.

É membro da Academia Británica e da Academia Europea das Artes, das Ciencias e das Humanidades. Ostenta doutoramentos honoris causa polas Universidades de Edimburgo, Durham e Sheffield e a Universidade Europea Central de Budapest.

Como froito das súas prolongadas investigacións, refutou as posicións que puñan en dúbida a historicidade de Xesús de Nazaret, así como aquelas posicións que entendían que Xesús se afastou da relixión xudía. Pretendeu achegarse desde criterios puramente históricos ao suposto fundador do cristianismo para chegar á conclusión que este non pretendeu fundar unha relixión esgallada do xudaísmo.

Obras

• Jesus the Jew: A Historian´s Reading of the Gospes. Minneapolis, 1973.
• The Dead Sea Scrolls: Qumran in Perpective, Minneapolis, 1977
• Jesus and the World of Judaism, Minneapolis 1983
• The Religion of Jesus the Jew, Minneapolis, 1993