George Coșbuc
George Coșbuc, nado en Coșbuc o 20 de setembro de 1866 e finado en Bucarest o 9 de maio de 1918 en Bucarest, foi un poeta e tradutor romanés nativo de Transilvania.
  | |
| Nome orixinal | (ro) George Coşbuc |
|---|---|
| Biografía | |
| Nacemento | 20 de setembro de 1866 Coșbuc (Imperio Austríaco) |
| Morte | 9 de maio de 1918 (51 anos) Bucarest, Romanía |
| Lugar de sepultura | Cemitério Bellu (pt)  Central cemetery of Chișinău (en) |
| Datos persoais | |
| País de nacionalidade | Imperio Austríaco Reino de Romanía |
| Relixión | Igreja Greco-Católica Romena unida com Roma (pt) |
| Educación | Franz Joseph University (en) Universidade Babeș-Bolyai (pt) |
| Actividade | |
| Ocupación | lingüista , escritor , crítico literario , xurista , xornalista , tradutor , mestre , poeta , enxeñeiro |
| Membro de | |
| Xénero artístico | Poesía, balada, idilio e poema |
| Movemento | Semănătorism (en) |
| Influencias | |
| Pseudónimo literario | C. Boșcu |
| Lingua | Lingua romanesa |
Premios
| |
Sinatura  | |
 | |
Traxectoria editar
George Coșbuc foi o sétimo fillo de Sebastián Coșbuc, sacerdote greco-católico, e Mariei, filla, tamén, dun sacerdote greco-católico de Telciu. Xa como estudante entrou no círculo literario local, Virtus Romana Rediviva, coa oposición de seu pai, que o vía como un obstáculo á carreira elesiástica que pretendía que seguise seu fillo. Realizou estudos primarios en Telciu e logo secundarios en Nasaud, onde adquiriu unha sólida cultura lendo clásicos da literatura romanesa e universal[1], e despois traballou como profesor en Nasaud.
En 1882 publicou os seus primeiros poemas no almanaque anual do club literario. Entre 1884 e 1886 asistiu a cursos na Universidade de Cluj. Recolleu contos de fadas e historias populares, para reescribilos e publicalos. Entre 1887 e 1889 foi redactor do xornal de Cluj, La Tribuna[2], a época máis fecunda da súa vida, onde traballaba xente como Ioan Slavici, Ioan Bechnitz ou Septimiu Albini, e que foron fundamentais na súa carreira literaria [3]. Este período culminou coa publicación de Nunta Zamfirei que recibiu eloxios nos círculos literarios de Romanía e o consagrou como poeta. Mudouse a Bucarest, facéndose oco entre o círculo cultural e intelectual da cidade. Colaborou coa revista Convorbiri Literare e conxuntamente con outros antigos educadores preparou unha colección de textos en lingua romanesa como manual escolar, Carte de românească citire.
En 1893 publicou Balade și idile, un volume que cimentou a súa reputación e despois tocou a poesía con connotacións políticas, como os enfáticos Noi Vrem pământ ou "Lupta vieții ". Nesa época comezou a súa colaboración coa revista literaria, Vatra.
En 1895 rematou a tradución da Eneida de Virxilio. En 1896 publicou unha escolma de poemas e relatos co título Versuri și proză. En tres anos publicou grandes anacos do Kālidāsa, grazas a traducións alemáns do texto orixinal en sánscrito. Traduciu de Homero a Odisea e varias obras de Friedrich Schiller.
En 1898 a Academia Romananesa xulgouno como membro eminente, proseguiu a traducir, salientando a totalidade da Divina Comedia de Dante. En 1901 fundou con Alexandru Vlahuță, a revista literaria Sămănătorul. Logo de perder un fillo nun accidente en 1915 deixou toda actividade literaria e morreu en 1918.
Obra editar
- Blestem de mamă, Sibiu, 1885
- Pe pământul turcului , Sibiu, 1885
- Fata craiului din cetini , Sibiu, 1886
- Draga mamei , Sibiu, 1886
- Fulger , Sibiu, 1887
- Balade și idile , Bucarest, 1893
- Fire de tort , Bucarest, 1896
- Războiul nostru pentru neatârnare Bucarest, 1899 or, Craiova, 1995
- Povestea unei coroane de oțel , Bucarest, 1899; Bucarest, 1992
- Din țara Basarabilor, Bucarest, 1901
- Ziarul unui pierde-vară , Bucarest, 1902
- Dintr-ale neamului nostru , Bucarest, 1903
- Cântece de vitejie , Bucarest, 1904
- Superstițiunile păgubitoare ale poporului nostru , Bucarest, 1909
- Balade, Bucarest, 1913;
- Drumul iubirii , Bucarest, 1916;
- Povești în versuri , édition établie par Nicolae Drăganu, Sibiu, 1921
- Poezii alese, avec une préface de Mihai Beniuc, Bucarest, 1952
- Poezii , édition en deux volumes, avec une préface de Dumitru Micu, București, 1953;
- Despre literatură și limbă , Bucarest, 1960
- Versuri , Bucarest, 1961
- Fire de tort. Cântece de vitejie , I-II, , Bucarest, 1966
- Opere alese vol. I-IX, București, 1966-1998,
- Opera poetică , I-II, Chișinău, 2000
- Scrieri alese, Iași, 2001
Notas editar
- ↑ Șerban Cioculescu, Istoria literaturii române III - Epoca marilor clasici, Editura Academiei Republicii Socialiste România, București, 1973, pp. 761-762
- ↑ Ioan Slavici, Amintiri, Cultura națională, București, 1924, pp. 144-145
- ↑ Dicționarul literaturii române de la origini pînă la 1900, București, Editura Academiei Române și Editura GUNIVAS, București, 2008, p. 234