Georg Baier
Georg Baier (en ruso: Георгий Степанович Байер), nado en Kamenka (uezd de Kamyshin, gobernación de Saratov, Imperio Ruso) en 1870/1871 e finado en Novosibirsk (RSFS de Rusia) o 13 de xaneiro de 1938, foi un sacerdote católico latino ruso-alemán.
| Biografía | |
|---|---|
| Nacemento | 1870 ↔ 1871  Oblast de Saratov, Rusia (pt)  |
| Morte | 13 de xaneiro de 1938 (58/68 anos) |
| Causa da morte | Homicidio |
| Datos persoais | |
| Relixión | Igrexa católica |
| Actividade | |
| Ocupación | clérigo |
Lista
| |
Traxectoria editar
Naceu en 1870 ou 1871 na colonia alemá de Kamenka, no uezd de Kamyshin da gobernación de Saratov (hoxe no distrito de Krasnoarmeisk, óblast de Saratov).[1][2] Estudou no seminario de Saratov e foi ordenado sacerdote da diocese de Tiraspol en 1897/1898.[1][2] Comezou o seu ministerio como vigairo parroquial en Saratov, e posteriormente foi párroco nesta cidade. Entre 1903 e 1910 foi párroco da Nai de Deus na colonia de Rohleder, a partir de 1910 tamén na colonia de Herzog, e a partir de 1911 en Katharinenstadt, todas na rexión do Volga.[1][2]
O 29 de abril de 1930 foi arrestado nun caso contra sacerdotes católicos alemáns da RASS dos Alemáns do Volga, e o 6 de xuño de 1931 condenado baixo os artigos 58-10 e 58-11 do Código Penal da RSFS de Rusia a tres anos de traballos forzados; a sentenza lle foi conmutada polo exilio en Siberia.[1][2] Posteriormente volveu a Markstadt. Foi arrestado novamente en 1935, e o 20 de abril de 1935 foi sentenciado a 10 anos en campo de traballo baixo os artigos 58-4, 58-10 e 58-11, e foi enviado á provincia de Kemerovo. En 1937 foi arrestado en Novo-Ivanovskoe, e o 25 de decembro de 1937 foi sentenciado a morte. Foi executado o 13 de xaneiro de 1938 na prisión de Novosibirsk.[1][2]
Notas editar
- ↑ 1,0 1,1 1,2 1,3 1,4 Чаплицкий (Chaplitskiy, Czaplicki), Бронислав (Bronislav, Bronisław); Осипова (Osipova), Ирина Ивановна (Irina Ivanovna) (2000). Книга памяти: мартиролог Католической церкви в СССР (Kniga pamiati: martirolog Katolicheskoi tserkvi v SSSR) (en ruso). Серебряные нити (Serebrianye niti). p. 15.
- ↑ 2,0 2,1 2,2 2,3 2,4 Dzwonkowski, Roman (1998). Losy duchowieństwa katolickiego w ZSSR 1917-1939: martyrologium (en polaco). Towarzystwo Naukowe Katolickiego Uniwersytetu Lubelskiego. p. 149. ISBN 9788386668670.
Véxase tamén editar
Ligazóns externas editar
- Baier, Georg: Biografía polo Volga German Institute (en inglés)
- Байер Георгий Степанович: Biografía por Geschichte der Wolgadeutschen (en ruso)
- Father Georg Baier: Biografía no Book of Remembrance Arquivado 30 de maio de 2020 en Wayback Machine. (en inglés)
- Байер Георгий Степанович: Biografía en Catholic.ru Arquivado 10 de xaneiro de 2017 en Wayback Machine. (en ruso)