Godofredo de Monmouth
Godofredo de Monmouth (Geoffrey of Monmouth en inglés, e Gruffudd ap Arthur ou Sieffre o Fynwy en galés) (c. 1100 - 1155) foi un crego da Idade Media, e un dos máis importantes historiadores, contribuínte ao estudo da historia británica e ao desenvolvemento das lendas do rei Artur.
  | |
| Biografía | |
|---|---|
| Nacemento | 1090 ↔ 1110 Monmouth (Reino de Gwent) |
| Morte | c. 1155 (54/55 anos) Llandaff Cathedral (Kingdom of Morgannwg) |
Anglican Bishop of St Asaph (en)  | |
| 21 de febreiro de 1152 – 1155 | |
| Bispo diocesano | |
| 1151 – ← Gilbert (en) – Richard (en) → Diocese: ancient diocese of Saint Asaph (en) | |
| Datos persoais | |
| País de nacionalidade | Reino de Inglaterra Kingdom of Glywysing (en) |
| Relixión | Igrexa católica |
| Educación | Universidade de Oxford |
| Actividade | |
| Ocupación | bispo católico (1152–), sacerdote católico , escritor , historiador , poeta |
| Lingua | Lingua latina |
| Consagración | Teobaldo de Bec (pt) |
| Obra | |
Obras destacables
| |
 | |
Traxectoria editar
Descoñécese onde naceu, pero probabelmente tiña ascendencia britana e naceu en Monmouth, en Gales. Certamente ten nexos de unión importantes con Monmouth, como suxire o seu nome, e segundo as descricións de Caerleon na Historia Regum Britanniae indica unha familiaridade con esta rexión. Estudou na Universidade de Oxford, onde coñeceu o arquidiácono Walter de Oxford. Desde aproximadamente 1129 até 1150 serviu como cóengo agostiño secular na escola de San Xurxo, castelo de Oxford, e seguramente foi profesor.
O 11 de febreiro de 1152 Godofredo é ordenado como sacerdote, e dez días despois o arcebispo Theobald consagrou a Geoffrey como bispo de San Asaph.
Obras editar
Godofredo de Monmouth escribiu varios libros, todos en latín, a lingua da escola e da literatura en Europa durante a Idade Media. O primeiro en aparecer foi Prophetiae Merlini (as profecías de Merlín), escrito probabelmente antes de 1135, considerado o primeiro libro escrito sobre o famoso mago noutra lingua que non fose a galesa. Antes deste libro, o mago Merlín era coñecido como "Myrddin".[1]. As profecías contidas neste libro foron tomadas moi en serio, e incluso foron citadas tres séculos despois.[2]. As profecías, que nun principio se publicaron de forma independente, foron incorporadas posteriormente á redacción da Historia Regum Britanniæ.[3].
O seguinte libro foi a Historia Regum Britanniæ (Historia dos reis de Bretaña), o seu traballo máis coñecido polos lectores modernos. O traballo relata a historia británica desde o primeiro asentamento por Bruto de Troia, descendente do heroe cabalo de troia Eneas, ata a morte de Cadwallader no século VII, pasando polas invasións de Xulio César, e unha das primeiras narracións do rei Artur. Godofredo de Monmouth advirte que a súa obra está baseada en parte nun antigo libro de Gales, aínda que poucos consideran certa esta aseveración. Gran parte do libro está baseado na obra do século IX Historia Brittonum, outra chamada Historia ecclesiastica gentis Anglorum, e a obra do século VI De Excidio Britanniæ; complementadas con lendas galesas e romanas.[4].
Máis tarde Godofredo de Monmouth escribiu Vita Merlini (A vida de Merlín), entre 1149 e 1151. Este é a nova versión das antigas tradicións galesas sobre Myrddin. Todos estes libros foron escritos en latín.
Notas editar
Véxase tamén editar
Bibliografía editar
- Geoffrey of Monmouth. The History of the Kings of Britain. Traducido, con introdución e índice de Lewis Thorpe. Penguin Books: Londres, 1966. ISBN 0-14-044170-0
- John Jay Parry e Robert Caldwell. "Geoffrey of Monmouth" en Arthurian Literature in the Middle Ages, Roger S. Loomis (ed.). Clarendon Press: Oxford University. 1959. ISBN 0-19-811588-1
- N. J. Higham. King Arthur: Myth-making and History, Londres e Nova York, Routledge, 2002, ISBN 0-415-21305-3
- John Morris. The Age of Arthur: A History of the British Isles from 350 to 650. Barnes & Noble Books: Nova York. 1996 (orixinalmente 1973). ISBN 1-84212-477-3
- Brynley F. Roberts. "Geoffrey of Monmouth, Historia Regnum Britanniae e Brut y Brenhinedd" en The Arthur of the Welsh: The Arthurian Legend in Medieval Welsh Literature, Cardiff, University of Wales Press, 1991, ISBN 0-7083-1307-8