Futuna

Futuna é unha illa francesa na Polinesia, situada no Océano Pacífico, ao nordés das Illas Fidxi, ao noroeste de Tonga e ao oeste das Illas Samoa, formando con Alofi ao sueste o arquipélago das Illas Hoorn. Futuna divídese en dous reinos consuetudinarios: Alo no sueste e Sigave no noroeste.

Futuna
Situación
País	Francia
Arquipélago	Illas Hoorn
Mar	Océano Pacífico
Coordenadas	14°17′S 178°09′O
Xeografía
Xeoloxía	Illa volcánica
Superficie	46´28 km²
Longura máxima	14´7 km.
Largura máxima	5´3 km.
Punto máis alto	524 m. Monte Puke
Demografía
Capital	Leava
Poboación	3.225 (2018)
Densidade	69´68 hab./km²
Xentilicio	Futuniense

Forma parte de Wallis e Futuna, Territorio de ultramar francés, desde 1961.

Xeografía

A illa, cunha superficie de Modelo:Unit, é de orixe volcánica e o seu punto máis alto (524 m) é Monte Puke. Xunto con Alofi no sur e algunhas illas de coral constitúen o arquipélago das Illas Hoorn. A súa "capital" é o pobo de Leava. A illa conta actualmente cuns 4700 habitantes. O aeroporto de Pointe de Vele no extremo oriental permítelle conectar a illa á de Wallis

Inclúe os dous reinos e circunscricións consuetudinarios de Alo (ao leste) e Sigave (ao oeste).

Historia

Artigos principais: Historia de Wallis e Futuna , Alo e Sigave .

Os europeos descubriron as illas de Futuna e Alofi en maio de 1616 durante a expedición holandesa de Jacob Le Maire e Willem Schouten nos seus barcos "Eendracht" e "Hoorn" . Estes navegantes pararon varios días e establecen contactos coa poboación futuniana antes de marchar.

Futuna uniuse (con Alofi) a Wallis no Protectorado de Wallis e Futuna en 1888. Durou ata 1961, cando Wallis e Futuna convértese nun territorio de ultramar.

Demografía

A poboación da illa era de 3.225 habitantes en 2018 . A capital é Leava (322 habitantes) no reino de Sigave, a aldea máis poboada é a de Ono (524 habitantes) no reino de Alo.

Os habitantes falan futuniano, a lingua vernácula, ademais de francés (lingua oficial). O futuniano é unha lingua polinesia, derivada do protopolinesia e próxima ao samoano. Unha boa parte dos habitantes tamén entenden o Wallisiano debido ás ligazóns que unen Futuna con Wallis. Prestamos do fidxiano, despois do latín, o inglés e o francés son os rastros na lingua das relacións que Futuna forxou co mundo exterior.

Infraestruturas

A illa ten unha rede de 20 km de estradas sen asfaltar.

O Aeródromo de Poele de Vele, situado no extremo oriental da illa, proporciona unha conexión aérea co aeroporto de Wallis-Hihifo. Non obstante, as condicións meteorolóxicas poden impedir que o avión aterre ou engale.

Dado que Futuna carece de lagoa, o acceso dos barcos é bastante difícil e só se pode facer no peirao de Leava .

Galería

• 
  Mapa das illas Futuna e Alofi
• 
  Unha foto da praia de Taoa
• 
  Futuna foi alcumada por Bougainville como "o neno perdido" do Pacífico, como se pode ver neste (erróneo) mapa de 1797.

Véxase tamén

Outros artigos

• Illas Hoorn