Fuentearmegil

Fuentearmegil é un concello español da provincia de Soria. A súa poboación é de 219 habitantes (INE 2012) e ocupa unha superficie de 60,54 km².

Fuentearmegil

Localización
41°42′52″N 3°10′58″O
Estado	España
Comunidade autónoma	Castela e León
Provincia	provincia de Soria
Capital	Fuentearmegil (pt)
Poboación
Poboación	153 (2023) (2,55 hab./km²)
Xeografía
Parte de	Q107554227
Superficie	60 km²
Altitude	986 m
Comparte fronteira con	El Burgo de Osma-Ciudad de Osma Espeja de San Marcelino Santa María de las Hoyas Alcubilla de Avellaneda San Esteban de Gormaz Nafría de Ucero
Organización política
• Xefe do goberno	Manuel Gomez Encabo (en)
Identificador descritivo
Código postal	42141
Fuso horario	UTC+01:00
Código INE	42085
Páxina web	fuentearmegil.es

Está situada ao oeste da provincia. Fuentearmegil é a cabeza de municipio e o seu termo está formado por Fuencaliente del Burgo, Santervás e Zayuelas.

Polo termo desta vila discorren os ríos Cejos e Perales, afluentes do Douro pola súa marxe dereita.

Historia

Fuentearmegil sufriu avatares coa intervención directa dos nobres. Urraca de Avellaneda fundou un mosteiro no seu agregado Fuencaliente del Burgo.

Séculos máis tarde, as localidades que agora forman o termo pasaron a mans do conde de Adanero e marqués de Castro Serna, ao parecer de forma fraudulenta, xa que o seu administrador rexistrou terras, casas e ata edificios relixiosos a nome do conde, a finais do século XIX; hai que dicir que cando esta anotación se levou a cabo na notaría do Burgo en 1886, os colonos tomaron cartas no asunto denuciando o feito. En 1924, logo de formar un sindicato, os veciños compraron aos nobres todas as terras e as súas casas.

A igrexa parroquial está dedicada a Santo André e pódense ver restos de arquitectura árabe e románica. Na praza da igrexa e á fronte colocaron a picota ou rolo, símbolo da vila e de poder xurisdicional; ao redor dela poden verse enroladas unhas longas cadeas.

Existe unha ermida, dedicada a San Roque, e outra no despoboado de San Juan de Cañicera, dedicada a San Xoán Bautista; este despoboado reparte a súa terra entre Fuentearmegil, Guijosa e Alcubilla de Avellaneda.

Durante as festas principais, en honor de Santa Isabel, todas as casas aparecen enramadas, costume que se conserva e que dá ao pobo un aspecto florido e radiante durante as súas festas.

Un bo chopo, recto e alto, serve para pingar o maio, a noite do último día de abril e o primeiro de maio.

Núcleos de poboación

• Fuencaliente del Burgo
• Fuentearmegil
• Santervás del Burgo
• Zayuelas

Véxase tamén

Ligazóns externas

• Páxina oficial do concello (en castelán)