Fucosilación
A fucosilación é o proceso de engadir unidades do azucre fucosa a unha molécula. As fucosas transfírense desde a GDP-fucosa a proteínas, e glicanos unidos a glicoproteínas e glicolípidos.[1] É un tipo de glicosilación.
É realizada por encimas fucosiltransferases,[1][2] situadas en eucariotas principalmente no aparato de Golgi. Son importantes para formar os antíxenos dos grupos sanguíneos humanos.[3]
É unha reacción clinicamente importante,[4][5] e informouse de altos niveis de fucosilación en casos de cancro.[6][7] No cancro e as inflamacións prodúcense cambios significativos na expresión de moléculas fucosiladas. Por tanto, os anticorpos e as lectinas que poden recoñecer oligosacáridos fucosilados asociados ao cancro foron utilizados como marcadores de tumores en oncoloxía.[8]
A fucosilación observouse en vertebrados, invertebrados, plantas, bacterias e fungos. Sábese que facilita varias funcións como a adhesión celular e a regulación inmunitaria. Están explorándose aplicacións da inhibición da fucosilación para un conxunto de aplicacións clínicas incluíndo algunhas asociadas coa anemia falciforme, artrite reumatoide, inhibición de tumores e melloras na quimioterapia.[9] A fucosilación pode axudar á resposta inmunitaria cando un patóxeno alleo se introduce no corpo. Pode ocorrer unha rápida fucosilación na mucosa interna do intestino delgado como mecanismo protector para soportar a flora bacteriana. Isto pode regular os xenes bacterianos responsables da percepción do quórum e da virulencia, o que ten como resultado un incremento da tolerancia á infección.[10]
Notas editar
- ↑ 1,0 1,1 Ming Shan, Dandan Yang, Huaiqian Dou, Lijuan Zhang. Progress in Molecular Biology and Translational Science. Chapter Four - Fucosylation in cancer biology and its clinical applicationsProgress in Molecular Biology and Translational Science. Volume 162, 2019, Pages 93-119. [1]
- ↑ Yourdictionary definición de fucosiltransferase
- ↑ National Institutes of Health. FUT1 fucosyltransferase 1 (H blood group) [ Homo sapiens (human) ]. Gene ID: 2523, actualizada o 12 de agosto de 2022. [2]
- ↑ Ma, B.; Simala-Grant, J. L.; Taylor, D. E. (2006). "Fucosylation in prokaryotes and eukaryotes". Glycobiology 16 (12): 158R–184R. PMID 16973733. doi:10.1093/glycob/cwl040.
- ↑ Miyoshi, E.; Moriwaki, K.; Nakagawa, T. (2007). "Biological Function of Fucosylation in Cancer Biology". Journal of Biochemistry 143 (6): 725–729. PMID 18218651. doi:10.1093/jb/mvn011.
- ↑ Miyoshi, Eiji (2008). "Fucosylation and Cancer". Experimental Glycoscience. Springer. pp. 235–7. ISBN 978-4-431-77921-6. doi:10.1007/978-4-431-77922-3_57.
- ↑ Nakagawa, T.; Uozumi, N; Nakano, M; Mizuno-Horikawa, Y; Okuyama, N; Taguchi, T; Gu, J; Kondo, A; et al. (2006). "Fucosylation of N-Glycans Regulates the Secretion of Hepatic Glycoproteins into Bile Ducts". Journal of Biological Chemistry 281 (40): 29797–29806. PMID 16899455. doi:10.1074/jbc.M605697200.
- ↑ Moriwaki, Kenta (2010). "Fucosylation and gastrointestinal cancer". World Journal of Hepatology 2 (4): 151–161. PMC 2999278. PMID 21160988. doi:10.4254/wjh.v2.i4.151.
- ↑ Li J, Hsu HC, Mountz JD, Allen JG (maio de 2018). "Unmasking Fucosylation: from Cell Adhesion to Immune System Regulation and Diseases". Cell Chem Biol 25 (5): 499–512. PMID 29526711. doi:10.1016/j.chembiol.2018.02.005.
- ↑ Pickard, Joseph M.; Maurice, Corinne F.; Kinnebrew, Melissa A.; Abt, Michael C.; Schenten, Dominik; Golovkina, Tatyana V.; Bogatyrev, Said R.; Ismagilov, Rustem F.; Pamer, Eric G.; Turnbaugh, Peter J.; Chervonsky, Alexander V. (outubro de 2014). "Rapid fucosylation of intestinal epithelium sustains host–commensal symbiosis in sickness". Nature 514 (7524): 638–641. PMC 4214913. PMID 25274297. doi:10.1038/nature13823.
|
Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |