Fritz von Opel
Fritz Adam Hermann von Opel, nado en Rüsselsheim (Alemaña) o 4 de maio de 1899 e finado en Samedan (Suíza) o 8 de abril de 1971, foi o único fillo de Wilhelm von Opel e un dos netos de Adam Opel, fundador da compañía Opel. É coñecido sobre todo polas súas demostracións espectaculares de propulsión de foguetes, o que lle valeu o alcume de "Rocket Fritz".[1]
.jpg)  | |
| Biografía | |
|---|---|
| Nacemento | (de) Friedrich Adam Hermann Opel 4 de maio de 1899 Rüsselsheim am Main (Imperio Alemán) |
| Morte | 8 de abril de 1971 (71 anos) Samedan, Suíza (pt)  |
| Datos persoais | |
| País de nacionalidade | Alemaña |
| Educación | Universidade Técnica de Darmstadt (pt) |
| Actividade | |
| Ocupación | enxeñeiro , piloto de automobilismo , inventor , piloto de motociclismo |
| Empregador | Opel |
| Lingua | Lingua alemá |
| Deporte | Motociclismo |
| Familia | |
| Cónxuxe | Emita Herrán Olozaga (1947–) Margot Löwenstein (1930–) |
| Fillos | Rikky von Opel (  ) Emita Herrán Olozaga (en) Marie Christine von Opel ( ) Emita Herrán Olozaga (en) |
| Pais | Wilhelm von Opel e Martha Bade (en) |
| Irmáns | Carl von Opel e Heinrich von Opel |
Traxectoria editar
Opel naceu na vila alemá de Rüsselsheim, no estado de Hessen, e formouse na Universidade Técnica de Darmstadt. Despois da súa graduación, foi nomeado director de probas da compañía Opel e encargouse tamén da publicidade. Na década de 1920 interesouse no uso de foguetes como recurso publicitario para a empresa, e procurou asesoría contactando para iso con Max Valier, da sociedade Verein für Raumschiffahrt, e con Friedrich Sander, un fabricante de pirotecnia de Bremerhaven.
O 15 de marzo de 1928 a Opel probou o seu primeiro coche propulsado con foguetes[2], o RAK1, e conseguiu unha velocidade superior aos 75 km/h, co que probou a viabilidade deste xeito de propulsión. Pouco máis dun mes máis tarde, chegou xa á velocidade de 230 km/h co RAK.2, propulsado por vinte e catro foguetes de combustible sólido.
Nese mesmo 1928, adquiriu un planador coñecido como "Lippisch Ente" ("O parrulo de Lippisch")[3] que pertencera a Alexander Lippisch e engadiulle propulsión de foguete, co que creou o primeiro avión do mundo con esta propulsión. Opel tivo unha ocasión para probar esta aeronave, antes de estourar no seu segundo voo de proba. Logo encargoulle a Julius Hatry unha aeronave nova, á que volveu chamar RAK.1, e fíxoa voar en Frankfurt o 30 de setembro de 1929. No entanto, probou tamén o RAK.3, un vagón de ferrocarril impulsado por 30 foguetes de combustible sólido que alcanzou unha velocidade de 254 km/h.
Tamén en 1928, Opel construíu e probou unha motocicleta con esta mesma propulsión, que chamou "Monstro".[4]
Opel deixou a empresa familiar e Alemaña a partir de 1929.[5]
En 1947 Opel contraeu matrimonio e ese mesmo ano foi pai dun neno ao que chamou Frederick, que chegou a ser piloto de Fórmula 1 (coñecido como Rikky von Opel).[6]
Notas editar
- ↑ "Fritz von Opel". Encyclopedia Britannica (en inglés). Consultado o 2020-03-23.
- ↑ Fritz von Opel en www.buscabiografias.com
- ↑ Timothy Hughes. Rare & Early Newspapers. "1928 Fritz Von Opel... Rocket propulsion...".
- ↑ "The History Of The Rocket-Powered Motorcycle". 24 de maio de 2010. Consultado o 2012-05-30.
- ↑ 5,0 5,1 Lundy, Darryl. "Person Page 15840". thePeerage.com. Consultado o 2011-12-11.
- ↑ Lundy, Darryl. "Person Page 15846". thePeerage.com. Consultado o 2011-12-11.
Véxase tamén editar
Ligazóns externas editar
- Historia da compañía Opel. No sitio web oficial de Opel.