Frankia
| Frankia | |||||||||||
|---|---|---|---|---|---|---|---|---|---|---|---|
 Nódulo radicular de amieiro onde se poden encontrar as Frankia. | |||||||||||
| Clasificación científica | |||||||||||
| |||||||||||
| Especie tipo | |||||||||||
| Frankia alni (Woronin 1866) Von Tubeuf 1895 | |||||||||||
| Especies[5] | |||||||||||
| |||||||||||
| Sinonimia | |||||||||||
Frankia é un xénero de bacterias fixadoras do niutróxeno que viven en simbiose con plantas actinorrícicas, similar ás bacterias Rhizobium atopadas nos nódulos radiculares de legumes da familia Fabaceae. Frankia tamén inicia a formación de nódulos radiculares.
Este xénero foi nomeado orixinalmente por Jørgen Brunchorst en 1886 en honra do biólogo alemán Albert Bernhard Frank.[6] Brunchorst considerou que o organismo que identificara era un fungo filamentoso. Jan-Hendrik Becking redefiniu o xénero en 1970 como de bacterias actinomicetas e creou para el a familia Frankiaceae dentro da orde Actinomycetales (hoxe na orde Frankiales). Mantivo o nome orixinal de Frankia para o xénero.[7] Polo momento Frankia é o único xénero validamente publicado da familia Frankiaceae.[8]
Características
editarA maioría das cepas de Frankia son específicas de distintas especies de plantas coas que viven en simbiose. Son bacterias filamentosas e converten o nitróxeno atmosférico en amoníaco utilizando o encima nitroxenase, un proceso coñecido como fixación do nitróxeno. Fano mentres viven nos nódulos das raíces de plantas actinorrícicas. As bacterias poden fornecer a maioría ou todos os requirimentos de nitróxeno da planta hóspede. Como resultado, as plantas actinorrícicas colonizan e a miúdo prosperan en solos que teñen baixos niveis de nutrientes.[9]
Agora disponse de varios xenoma de Frankia, que poden axudar a aclarar como evolucionou a simbiose entre procariotas e plantas, como ocorreron as adaptacións ambientais e xeográficas, a diversidade metabólica e o fluxo horizontal de xenes entre os procariotas simbiontes.[9]
As Frankia poden resistir baixas concentracións de metais pesados como Cu, Co e Zn.[10] Poden ser beneficiosas para os solos degradados. O solo degradado é un solo rico en metais pesados ou desprovisto de nutrientes debido á seca.[11]
As Frankia son bacterias grampositivas, xa que as súas paredes celulares están feitas dunha grosa capa de peptidoglicano. Isto axúdalle a resistir os metais pesados que poida haber en solos degradados.[12]
Son bacterias que toleran un estreito rango de temperaturas e niveis de pH do solo. Crecen mellor arredor dos 30° Celsius e nun ambiente a pHs entre 6,5 e 7.[13] Isto indica que as Frankia son moi sensibles ao seu ambiente.
Plantas simbiontes
editar- Todas as especies do xénero Alnus da familia Betulaceae.
- Algunhas especies de catro xéneros da familia Casuarinaceae: Allocasuarina, Casuarina, Ceuthostoma e Gymnostoma.
- Certas especies do xénero Coriaria da familia Coriariaceae.
- Datisca cannabina e Datisca glomerata da familia Datiscaceae.
- Todas as especies de tres xéneros da familia Elaeagnaceae: Elaeagnus, Shepherdia e Hippophae
- Todas as especies dos xéneros Myrica, Morella e Comptonia da familia Myricaceae.
- Todas as especies de cinco ou seis xéneros da familia Rhamnaceae: Ceanothus, Colletia, Discaria, Trevoa e posiblemente Adolphia.
- Algunhas especies da familia Rosaceae, incluíndo todas as especies dos xéneros Cercocarpus, Cowania, Purshia, Chamaebatia e algunhas especies de Dryas.[14]
Notas
editar- ↑ Becking JH. (1970). "Frankiaceae fam. nov. (Actinomycetales) with one new combination and six new species of the genus Frankia Brunchorst 1886, 174". International Journal of Systematic Bacteriology 20: 201–220. doi:10.1099/00207713-20-2-201.
- ↑ Brunchorst J. (1886). "Über einige Wurzelanschwellungen, besonders diejenigen von Alnus und den Elaegnaceen" [On root swellings, particularly those of Alnus and the Elaeagnaceae]. Untersuchungen aus dem botanischen Institut in Tübingen [Investigations of the Botanical Institute in Tübingen ] 2 (151–177).
- ↑ Normand P; Nguyen, T.V.; Battenberg, K; Berry, A.M.; Heuvel, B.V.; Fernandez, M.P.; Pawlowski, K. (2017). "Proposal of "Candidatus Frankia californiensis", the uncultured symbiont in nitrogen-fixing root nodules of a phylogenetically broad group of hosts endemic to western North America". Int J Syst Evol Microbiol 67 (10): 3706–3715. PMID 28884663. doi:10.1099/ijsem.0.002147.
- ↑ Normand, P; Nouioui, I; Pujic, P; Fournier, P; Dubost, A; Schwob, G; Klenk, HP; Nguyen, A; Abrouk, D; Herrera-Belaroussi, A; Pothier, J.F.; Pflüger, V; Fernandez, M.P. (2018). "Frankia canadensis sp. nov., isolated from root nodules of Alnus incana subspecies rugosa". Int J Syst Evol Microbiol 68 (9): 3001–3011. PMID 30059001. doi:10.1099/ijsem.0.002939.
- ↑ Euzéby, J.P.; Parte, A.C. "Frankia". List of Prokaryotic names with Standing in Nomenclature (LPSN). Consultado o 16 de xuño de 2021.
- ↑ Pawlowski, Katharina (2009-06-17). Prokaryotic Symbionts in Plants. Springer Science & Business Media. p. 107. ISBN 9783540754602.
- ↑ "Frankia taxonomy". Arquivado dende o orixinal o 2011-07-27. Consultado o 2011-01-14.
- ↑ LPSN Frankiaceae
- ↑ 9,0 9,1 Frankia and Actinorhizal Plants
- ↑ Abdel‐lateif, Khalid Salah El dein; Mansour, Samira R.; El‐Badawy, Mohamed F.; Shohayeb, Mohamed M. (2018). "Isolation and molecular characterization of Frankia strains resistant to some heavy metals". Journal of Basic Microbiology 58 (9): 720–729. ISSN 1521-4028. PMID 29962068. doi:10.1002/jobm.201800122.
- ↑ El dein Abdel-lateif, Khalid Salah; Mansour, Samira R.; El-Badawy, Mohamed F.; Shohayeb, Mohamed M. (setembro de 2018). "Isolation and molecular characterization of Frankia strains resistant to some heavy metals". Journal of Basic Microbiology 58 (9): 720–729. PMID 29962068. doi:10.1002/jobm.201800122.
- ↑ Nouioui, Imen; Ghodhbane-Gtari, Faten; del Carmen Montero-Calasanz, Maria; Rohde, Manfred; Tisa, Louis S.; Gtari, Maher; Klenk, Hans-Peter (2017-03-01). "Frankia inefficax sp. nov., an actinobacterial endophyte inducing ineffective, non nitrogen-fixing, root nodules on its actinorhizal host plants". Antonie van Leeuwenhoek 110 (3): 313–320. ISSN 1572-9699. PMID 27830471. doi:10.1007/s10482-016-0801-7.
- ↑ Srivastava, Amrita; Singh, Anumeha; Singh, Satya S.; Mishra, Arun K. (2017-04-16). "Salt stress–induced changes in antioxidative defense system and proteome profiles of salt-tolerant and sensitive Frankia strains". Journal of Environmental Science and Health, Part A 52 (5): 420–428. ISSN 1093-4529. PMID 28085556. doi:10.1080/10934529.2016.1270672.
- ↑ Schwintzer, C. R.; Tjepkema, J. (1990). The Biology of Frankia and Actinorhizal Plants. San Diego: Academic Press. ISBN 978-0126332100.