Frank Vogel, nado o 21 de xuño de 1973, é un adestrador estadounidense de baloncesto profesional. Vogel foi tamén ollador para os Los Angeles Lakers e os Washington Wizards. Vogel comezou a súa traxectoria coma adestrador sendo asistente dos Philadelphia 76ers, dos Boston Celtics, e dos Indiana Pacers, equipo no que foi adestrador principal por primeira vez.

Frank Vogel
Posición Adestrador
Información persoal
Nacemento 21 de xuño de 1973 (50 anos)
Nova York Waterford, Nova York
Nacionalidade Estados Unidos de América Estados Unidos
Información da carreira
Instituto Wildwood (Nova Jersey)
Universidade Juniata (1991–1994)
Kentucky (1995–1996)
Historial de equipos
Boston Celtics (asistente) (2001–2004)
Philadelphia 76ers (asistente) (2016–2018)
Indiana Pacers (asistente) (2016–2018)
Indiana Pacers (2011–2016)
Orlando Magic (2016–2018)
Los Angeles Lakers (2019–2022)
Premios e galardóns
Campión da NBA (2020)
Adestrador do All-Star (2014)

Traxectoria editar

Vogel comezou a súa carreira coma coordinador de vídeo dos Boston Celtics para o adestrador Rick Pitino. Estivo nese posto durante cinco anos ata que ascendeu a adestrador asistente. Tras a súa etapa en Boston, converteuse en adestrador asistente dos Philadelphia 76ers. Vogel deixou os 76ers para ser ollador dos Los Angeles Lakers na tempada 2005-06 e dos Washington Wizards na tempada 2006-07. Despois, Vogel fíxose co posto de asistente nos Indiana Pacers, con Jim O'Brien de adestrador. En 2011, tras ser despedido O'Brien, Vogel foi nomeado adestrador provisional.[1] Coma adestrador, Vogel liderou aos Pacers á súa primeira participación en playoffs dende o ano 2006. Vogel foi nomeado oficialmente adestrador principal dos Pacers o 6 de xullo de 2011.

O 20 de maio de 2016, Vogel foi contratado coma adestrador dos Orlando Magic.[2] Tras dúas tempadas en Orlando, Vogel foi despedido o 12 de abril de 2018.[3]

Notas editar

  1. "Pacers relieve O'Brien of coaching duties". NBA.com. 30 de xaneiro de 2011. Consultado o 30 de xaneiro de 2011. 
  2. "Magic Name Frank Vogel Head Coach". NBA.com. 20 de maio de 2016. Consultado o 22 de maio de 2016. 
  3. Orlando Magic dismiss coach Frank Vogel