Francisco Rodríguez Fernández (O Barco de Valdeorras)
Francisco Rodríguez Fernández, nado no Barco de Valdeorras cara a 1910 e finado nas Palmas de Gran Canaria o 9 de setembro de 1941, foi un xornaleiro e político galego.
| Biografía | |
|---|---|
| Nacemento | 1910  O Barco de Valdeorras, España |
| Morte | 9 de setembro de 1941 (30/31 anos) As Palmas de Gran Canaria, España |
| Datos persoais | |
| País de nacionalidade | España |
| Actividade | |
| Ocupación | xornaleiro , político |
| Familia | |
| Irmáns | Gerardo Rodríguez Fernández |
Traxectoria editar
Veciño de Vilanova de Valdeorras. Militante do PCE, era presidente do grupo comunista de Vilanova. Co golpe de Estado do 18 de xullo de 1936 estivo fuxido. Foi detido o 27 de febreiro de 1937. Foi xulgado en consello de guerra por rebelión o 5 de agosto de 1937 co seu irmán Gerardo Rodríguez Fernández,[1] e condenado á pena de morte, conmutada a cadea perpetua. Finou no campo de traballo da Carretera del Centro das Palmas de Gran Canaria o 9 de setembro de 1941. Abríronlle expediente de responsabilidades políticas en xaneiro de 1938,[2] e foi sancionado co pago de 100 pesetas en 1941.
Vida persoal editar
Casou con Pilar Álvarez Fernández, con quen tivo unha filla.
Notas editar
Véxase tamén editar
Bibliografía editar
- Prada Rodríguez, Julio (2004). Ourense, 1936-1939. Alzamento, guerra e represión. Sada: Do Castro. ISBN 978-84-8485-157-8.