Francisco Ramos Calvete
Francisco Ramos Calvete, nado en Ferrol en 1891, foi un sindicalista e político galego.
Biografía | |
---|---|
Nacemento | 1891 (132/133 anos) Ferrol, España |
Datos persoais | |
País de nacionalidade | España |
Actividade | |
Ocupación | sindicalista , político |
Lingua | Lingua castelá |
Traxectoria editar
Albanel, afiliado á CNT de Ferrol. Foi procesado en 1919 pola rotura dunha urna cando se estaba realizando o escrutinio das eleccións municipais.[1] Foi elixido candidato da Agrupación Socialista de Ferrol para as eleccións municipais de 1920.[2] En 1930 era inspector local da Federación del Trabajo de Ferrol.[3] Foi secretario do Sindicato Único del Ramo de la Edificación,[4] e participou no conflito do cuarteis de “Sánchez Aguilera”. Estivo procesado por inxurias ao presidente do Consello de Ministros e ao Ministro de Trabajo. Organizador dun movemento de 48 horas promovido pola CNT e acusado da colocación de explosivos. Ingresou no cárcere de Ferrol o 13 de maio de 1933 por un delito de folga sediciosa,[5] en xuño o gobernador civil decretou a súa liberdade, e foi liberado o día 6.[6] Detido a finais de xaneiro de 1934 en Neda por participar nunha reunión clandestina, foi levado á Escollera. Co golpe de Estado do 18 de xullo de 1936 fuxiu e foi declarado en rebeldía. Presentouse ás autoridades en 1945, quedando en liberdade. Novamente detido, ingresou no cárcere de Ferrol o 10 de abril de 1948 e foi conducido á prisión da Coruña o 16 de abril. Complicado na causa 40/48 por agachar a un dos encausados, foi condenado a seis meses e un día de prisión menor en outubro de 1948.
Vida persoal editar
Casou en 1915 con Juana Pereira Yáñez.[7]