Francisco Flores

Francisco Guillermo Flores Pérez, nado en Santa Ana o 17 de outubro de 1959 e finado en San Salvador o 30 de xaneiro de 2016, foi un político que foi o presidente do Salvador entre 1999 e 2004.

Francisco Guillermo Flores Pérez

Biografía
Nacemento	17 de outubro de 1959 Santa Ana
Morte	30 de xaneiro de 2016 (56 anos) San Salvador, O Salvador
Causa da morte	Morte natural  (Hemorraxia cerebral )
Cargos
Presidente do Salvador
Período	1 de xuño de 1999 - 1 de xuño de 2004
Antecesor	Armando Calderón Sol
Sucesor	Antonio Saca
Datos persoais
País de nacionalidade	O Salvador
Educación	Amherst College (pt) Universidade Howard (pt) University of Hartford (en) Universidade Harvard
Actividade
Ocupación	político
Partido político	ARENA
Lingua	Lingua castelá
Outro
Cónxuxe	Lourdes Rodríguez de Flores
Condenado por	apropiación indebida
Premios (2003)  Colar da Orde de Isabel a Católica  Knight Grand Cross of the Order of Grimaldi (en)
Lista 42º Presidente do Salvador 1 de xuño de 1999 – 1 de xuño de 2003 ← Armando Calderón Sol – Elías Antonio Saca González →

Traxectoria

Nado no seo dunha acomodada familia mestiza conservadora. Estudou Filosofía no Amsherst College en Massachusetts, Estados Unidos, e ciencias políticas nas universidades británica de Oxford e estadounidense de Harvard. Ademais de estudos de filosofía oriental na India co pensamento propio do hinduísmo, malia isto non deixou a relixión católica.

Ingresou no mundo político despois do asasinato do seu sogro Antonio Rodríguez Porth, o Secretario privado da presidencia no Goberno de Alfredo Cristiani a mans da guerrilla salvadoreña.

Comezou con éxito a súa carreira política no partido ARENA como Ministro de Planificación. Despois como Viceministro da Presidencia, con funcións como Asesor do Xefe de Estado, e dirixiu o Plan de Acción Gobernamental para acordar os Tratados de Paz de xaneiro de 1992 que acabaron coa loita armada entre a Frente Farabundo Martí para a Liberación Nacional (FMLN) e Alianza Republicana Nacionalista do Salvador (ARENA).

Nas eleccións do 20 de marzo de 1994, Flores foi elixido Deputado para a Asemblea LeXislativa e o Presidente dese entón Armando Calderón Sol, elixiuno Secretario de Información para a Presidencia.

Presidencia

O 29 de marzo de 1999 seu partido, a Alianza Republicana Nacionalista (ARENA) anunciou que Flores sería seu demandante para as eleccións de 1999. Con 39 anos de idade (o xefe de Estado máis mozo do Salvador xunto a seu sucesor Elías Antonio Saca González), Flores converteuse en presidente o 1 de xullo de 1999, sendo o terceiro do partido ARENA que conseguiu o cargo de forma consecutiva, sucedendo a súa correlixionário Calderón Sol.

Na súa política económica destacou pola súa fidelidade na aplicación do modelo neoliberal, mudou a moeda de curso legal do país, o colón salvadoreño, polo dólar estadounidense o 2 de xaneiro de 2001, por medio da Lei de Integración Monetaria (promovida polo seu goberno e aprobada pola Asemblea Lexislativa en novembro de 2000), que implicaba o proceso de dolarización de todas as transaccións económicas e financeiras nun prazo de seis meses.

En política internacional o goberno de Flores destacou polo apoio á ocupación do Iraq por parte de Estados Unidos e o envío de tropas salvadoreñas, sendo o país latinoamericano que deu máis apoio político e militar ao goberno estadounidense, tamén foi dos poucos mandatarios que recoñeceu o efémero goberno golpista de Pedro Carmona na Venezuela. Outro membro de seu Partido, Elías Antonio Saca González, substituíulle na presidencia en 2004.

Presidente do Salvador
Segue a: Armando Calderón Sol	Francisco Flores (1999-2004)	Precede a: Antonio Saca
	ARENA