Filicudi

Filicudi é unha das oito illas que compoñen as Illas Eolias, situada a 20-30 quilómetros ao nordés da illa de Sicilia. Trátase dunha fracción da comuna de Lipari.

Filicudi
Vista aérea de Filicudi
Localización da illa
Situación
País	Italia
Arquipélago	Illas Eolias
Mar	Mar Mediterráneo
Coordenadas
Xeografía
Superficie	9,49 km²
Longura máxima	5,4 km
Largura máxima	3,1 km
Punto máis alto	774 m. Monte Fossa Felci
Demografía
Poboación	235 hab. (2001)
Densidade	25 hab./km²
Lingua propia	Italiano

Xeografía

A súa superficie total é de 9,5 quilómetros cadrados. Hai varias pequenas aldeas na illa, que inclúen Pecorini Mare e Valdichiesa. As terras de Filicudi son capaces de produciren viño, aceite de oliva, grans e hortalizas. En 1997, tres cuartas partes (7 km²) de Filicudi converteronse nunha Reserva Natural.

O punto máis alto é Monte Fossa Felci (774 m). Outros puntos inclúen Monte Montagnola (349 m) e Monte Terrione (278 m). En Capo Graziano atópanse restos dunha vila da Idade de Bronce que data do século VIII a. C. Fronte á costa, unha roca volcánica en forma de dedo La Canna de (74 m.) elévase desde o mar.

Historia

Vista de Alicudi e Filicudi

O nome moderno de "Filicudi" é unha corrupción do antigo nome grego da illa, Phoenicusa (Illa fenicia). A illa, como as outras Illas Eolias, foi habitada desde o Neolítico, ao redor de 3.000 antes de Cristo. Como o demostran os achados arqueolóxicos, a illa foi ocupada por un novo pobo na Idade de Bronce. A illa estivo deshabitada durante moitos séculos ata a súa ocupación polos gregos. Restos Romanos e bizantinos tamén se poden atopar na illa.

Véxase tamén

Ligazóns externas

• Oficial WebSite Arquivado 16 de xullo de 2012 en Wayback Machine.
• Outra website oficial Arquivado 16 de xullo de 2012 en Wayback Machine.
• Website comercial e turística de Filicudi
• Info da illa
• Mapa da Illa Arquivado 28 de setembro de 2007 en Wayback Machine.
• Filicudi Society of Waltham Massachusetts