Fernando Henrique Cardoso

Fernando Henrique Cardoso, nado no Río de Xaneiro o 18 de xuño de 1931, é un sociólogo e político brasileiro, segundo presidente electo do seu país despois da redemocratización ocorrida en 1985. Gobernou o país de 1 de xaneiro de 1995 ata 31 de decembro de 2002.

Fernando Henrique Cardoso
Presidente do Brasil
Período	1 de xaneiro de 1995 31 de decembro de 2002
Antecesor	Itamar Franco
Sucesor	Luiz Inácio Lula da Silva
Datos persoais
Nacemento	18 de xuño de 1931
	Río de Xaneiro
Organización	Partido da Social Democracia Brasileira - PSDB
Cónxuxe	Ruth Cardoso
Alma máter	Universidade de São Paulo
Profesión	sociólogo e político
Na rede
http://www.ifhc.org.br/
[ editar datos en Wikidata ]

Traxectoria

Na década de 1960 foi profesor de socioloxía, e foi xubilado co Golpe de 1964. Na década de 1970 xuntouse ó partido Movimento Democrático Brasileiro (MDB) a través do cal foi elixido senador. En 1985 disputou con Janio Quadros a alcaldía (prefeitura) da cidade de São Paulo pero sen éxito.

En 1986 foi reelixido senador e participou da Asemblea Nacional Constituínte, que elaborou a Constitución brasileira de 1988.

Despois do impeachment de Fernando Collor de Mello, foi nomeado ministro das finanzas do goberno de Itamar Franco, e foi o responsábel da creación do Plan Real o 1 de xullo de 1994, que mudou a moeda do Brasil (chamada Cruzeiro, á actual moeda, Real) e reduciu a ata entón forte inflación brasileira.

Grazas ó apoio popular ó Plan Real, logrou ser electo en 1994 e reelecto en 1998, derrotando nas dúas ocasións a Luiz Inácio Lula da Silva, que o sucedeu a 1 de xaneiro de 2003.

Actualmente, Fernando Henrique Cardoso mantén unha fundación, que leva o seu nome.

Presidente do Brasil
Segue a: Itamar Franco	Fernando Henrique Cardoso (1995-2002)	Precede a: Luiz Inácio Lula da Silva
	Partido da Social Democracia Brasileira - PSDB