Félix Juncal

Félix Juncal Novas, nado no Outeiro (Bueu) o 12 de xuño de 1968, é un político galego do BNG.

Félix Juncal

(2015)
Biografía
Nacemento	12 de xuño de 1968 (56 anos) O Outeiro, España
Alcalde de Bueu
2007 – ← Elena Estévez Freire
Alcalde de Bueu
2003 – 19 de xullo de 2004 (moción de censura) – Elena Estévez Freire →
Actividade
Ocupación	político
Partido político	Bloque Nacionalista Galego

Traxectoria

En 1995 foi o número dous da candidatura do BNG ao concello de Bueu encabezada por Xosé Novas Piñeiro, a cal conseguiu a alcaldía mediante un pacto co PSOE. Nas eleccións de 2003 encabezou a lista e foi elixido alcalde, pero unha moción de censura retirouno do cargo en 2004 e levou ao poder a Elena Estévez, número 2 do Partido Popular, posto que naquela altura o que fora cabeza de lista, Santiago Barros, xa dera por rematada a súa fugaz experiencia política. En 2007 a lista do BNG obtivo a maioría absoluta e volveu ser elixido alcalde. En 2011 e 2015 recuncou no cargo con maiorías absolutas. En 2019 o BNG perdeu a maioría absoluta, ao pasar de 12 concelleiros (a maioría está en 9) a 8. Con todo, repetiu á fronte do consistorio após un pacto con ACB (1 concelleiro).

Predecesor: Tomás Barreiro Sotelo	Alcalde de Bueu  2003-2004	Sucesor: Elena Estévez Freire
Predecesor: Elena Estévez Freire	Alcalde de Bueu  2007-actualidade	Sucesor: no cargo

Véxase tamén

Outros artigos

• Eleccións municipais en Bueu

Ligazóns externas

• "El joven que soñó ser alcalde de Bueu". Faro de Vigo (en castelán). 15 de maio de 2011.