Exidio Cuíñas
Xaquín Exidio Cuíñas, nado en Cambados en 1966, é un economista e escritor galego.
| Biografía | |
|---|---|
| Nacemento | 1966  (57/58 anos)Cambados, España |
| Datos persoais | |
| País de nacionalidade | España |
| Actividade | |
| Ocupación | escritor , economista |
Traxectoria editar
Economista vinculado a proxectos empresariais sobre patrimonio marítimo e turismo náutico. En 2009 publicou Salgadoiro de queixo e mozzarella.[1] En 2021 apareceu As gotas de mercurio.[2][3]
Foi membro fundador do Clube Mariño Salnés no ano 1998, así como o primeiro presidente. Na actualidade segue ligado a esta asociación como coordinador da escola de vela tradicional. Formou parte da comisión xestora para refundar a Federación Galega pola Cultura Marítima e Fluvial no ano 1999, ocupando posteriormente o cargo de secretario (2000-2003) e presidente (2003 a 2005). Durante o tempo que ocupou a presidencia, inaugurouse a Escola de Navegación Tradicional da ACD Dorna, celebráronse as edicións do Encontro de Embarcacións Tradicionais de Galicia 2003 na Illa de Arousa e no 2005 en Cambados, así como tamén se editou o primeiro número da revista Ardentía de cultura marítima publicada por esta entidade.
Participou en proxectos empresariais de cultura marítima como Intramar, onde dirixiu o proxecto divulgativo escolar Cambados á beira do Mar en colaboración coa Confraría de Pescadores de Cambados e a Consellería do Mar[4], sendo o director e guionista do documental que leva o mesmo nome. Tamén participou no proxecto Natura 42 SL, relacionado co medio ambiente e o Parque Nacional das Illas Atlánticas.
Obras editar
- Salgadoiro de queixo e mozzarella, Todogrove, 2009.
- As gotas de mercurio, Lobisome Producións, 2021.
Notas editar
- ↑ "O cambadés Exidio Cuíñas presenta a súa primeira novela". La Voz de Galicia. 31 de decembro de 2009.
- ↑ "Xaquín Exidio Cuíñas: «O lector vai transportarse no tempo e no espazo»". La Voz de Galicia. 4 de xaneiro de 2022.
- ↑ "Exidio Cuíñas recorre las guerras del siglo XX en “As gotas de mercurio”". Faro de Vigo. 3 de xaneiro de 2022.
- ↑ "A Cofraría de Cambados crea un programa de turismo-pesca". La Voz de Galicia. 15 de xullo de 2006.
Véxase tamén editar
Ligazóns externas editar
- Bou de Vara, blog.