Estanislao Figueras
Estanislao Figueras y Moragas, nado en Barcelona o 13 de novembro de 1819 e finado en Madrid o 11 de novembro de 1882, foi un político catalán, presidente da I República Española dende febreiro de 1873 até xuño do mesmo ano.
| Estanislao Figueras | |
|---|---|
 | |
 Presidente de España | |
| Antecesor | Manuel Ruíz Zorrilla |
| Sucesor | Francesc Pi i Margall |
| Datos persoais | |
| Nacemento | 13 de novembro de 1819 |
.svg){kind=small} Barcelona | |
| Falecemento | 11 de novembro de 1882 |
| Madrid | |
| Organización | Partido Progresista, Partido Demócrata, Partido Republicano Federal, Partido Federal Orgánico |
| Profesión | Político e avogado |
| Na rede | |
  | |
| [ editar datos en Wikidata ] | |
TraxectoriaEditar
Licenciado en dereito en 1844, trasládase a Tarragona para comezar a exercer de avogado. En Tarragona ingresa no Partido Progresista e participa nas revoltas liberais de 1848. Nese mesmo ano pasa a Madrid onde se pon en contacto cos políticos republicanos.
Máis tarde uniríase ao Partido Demócrata de España, debido a unha escisión do Partido Progresista. En 1851 consegue un escano no congreso pola provincia de Tarragona, cidade á cal se trasladaría para formar parte da Xunta Revolucionaria, a cal presidiu durante o Bienio Progresista (1854 - 1856). No ano 1855 foi elixido deputado a Cortes, onde liderou unha minoría republicana, e votou a favor dun réxime republicano, opción que non contou co apoio do resto da Cámara. Ao ano seguinte, durante o cal tiña que xurdir a nova Constitución Española, apoiou a descentralización do Estado, postura que o enfrontou co sector máis conservador.
En 1867 foi levado ao cárcere, o cal motivou a súa fuxida a Portugal, país no que se refuxiaría até o triunfo da Revolución de setembro de 1868, que deu inicio ao Sexenio Democrático. Ao seu regreso afiliouse ao Partido Republicano Federal, liderado por Francesc Pi i Margall e fundou o xornal La Igualdad.
En febreiro de 1873 foi elixido Presidente da Primeira República española, cargo que ocupou até xuño do mesmo ano, mes no que a crise económica do país, e a crise interna no seu partido, propiciaron a substitución por Pi i Margall e a fuxida a Francia, de onde regresou para intentar, sen éxito, a reconstrución do seu partido.
|
Predecesor: |
Primeira República española Presidente do Goberno de España 1873-1873 |
Sucesor: Francesc Pi i Margall |
Véxase taménEditar
Wikimedia Commons ten máis contidos multimedia na categoría: Estanislao Figueras  |